Leven van Sinte Lutgart

[Derde boec]

[1] Hier begint dat derde boec van der guoeder sinte lutgarden widewijs dat si ellef iaer uoer haer doed blind was worden ende hoe dat si daer af van binnen te meer ende te uolcomeleker wart vercleerd ende verliecht van gode den hemelscen liechte \

[fol. 80v]

 

Ellefiaer wel uoer dat si

 

van ertrike scied de maget vri

 

wart si met beiden ogen blint

 

alsmen van ysaac ende iacob uint

5

mar themelsce licht bescenge d[oe]

 

ende quam haer uolcomeleker toe

 

dand teuoren the done plach

 

doen si met vleschleken ogen sach

 

maer dat claghde si allene

10

in der blintheit de maget rene

 

ende dat was allene haer seer

 

dat si op ertrike nommermeer

 

har gestelec vriende en soud sien

 

doen geloefde har god met dien

15

dat sise soud sien ind euwege leuen

 

Voert vind wi also bescreuen

 

dat har god alsus sprac toe

 

vriendelec ende lieflec nv hoert hoe

 

nemt dees blintheit verduldechleke

20

ic geloue v sekerleke

 

dat gi sonder veghuier te mi

 

selt comen, ende v uriende die ghi

[fol. 81r]

 

nyet sien en selt hier op ertrike

 

die sel di sien in hemelrike