Leven van Sinte Lutgart (1987)

Leven van Sinte Lutgart

(1987)– Broeder Geraert– rechtenstatus

Auteursrechtelijk beschermd

Vorige Volgende


[24] Wie dat si enen riddere enen ondedegen man met starken gebede bekeerde tonsen here. Et was een riddere die rijc was ende wel gheboren als ic oec las di te hawirs in had ghedaen een dochter, dees ridder was beuaen 1225[regelnummer] met menegerhande sunden, maer doch so brachten sijn dochter daer toe, dat hi lutgarden bat dat si voer hem bade, ende dat sine tenen gheesteleken 1230[regelnummer] sone ontfinghe, dat si liefleken sonder wedersegghen dede als noch int sulke lant es sede
[Folio 61r]
Si bat uoer heme, ende binnen desen vertoende hem sathan als wi lesen 1235[regelnummer] eenre nonnen ende sprac dees waert.. Sied wie pijnt haer ver lutgaert den ridder cymere vt minen banden the verlosene, dat moet ic anden want hi heft mi meneghe weke 1240[regelnummer] ende menech iaer, ghetruweleke ghedient, nv laed ten gewerdden dan en es geen cleyn werc dat hi van nuwes hem nv heft aen nomen ic ween et sal hem lettel vromen 1245[regelnummer] en can ic mi nyet els ghewreken ic sal sijn herte doen ontsteken ende sallen rouen van sinen gu^oede ende sallen bringhen tyen ermu^oede dat hi en sal nyet voerder moeghen 1250[regelnummer] ende sal sijn herte doen verdroeghen als vlesch dat men te frytene pleght jn een panne, nv merct ende weght wie wonderlec dat waer wart sijn tale di een loegenneer es altemale
[Folio 61v]
1255[regelnummer] die ridder di so grote haue ende rijcheit hadde, hi quams so aue ende wards so quite allinschelinge siens gelts sier hauen ende alre dinge dat hi .xv. hondert pont 1260[regelnummer] die hi gereed had op di stont so ouerbrachte ende ouer dreef dat hem nyet daer af en bleef ende dat hi na doer grote noet sijn wonyngen vercochte, ende cume had broet 1265[regelnummer] nochtan was hi in allen desen so verduldech als wi lesen dat dies nyman en twiuelde doe lutgarden gebet en halp daer toe... Den seluen ridder sach menech man 1270[regelnummer] the hafflegeem na moenc, ende van so gu^oeden leuene ende daer mede so uerduldech, dat men hem dede grote werdechheit ende ere dies si gebenendijd ons here 1275[regelnummer] ende de werde lutgaert daer mede die des gelijcs aen meengen dede

Vorige Volgende