Leven van Sinte Lutgart (1987)

Leven van Sinte Lutgart

(1987)– Broeder Geraert– rechtenstatus

Auteursrechtelijk beschermd

Vorige Volgende


[23] Wie dad sceen ondertiden alsi jn contemplasien wasals ochtse altemale besturt were van blode. Dicke was si van binnen geruert ende in den geeste op ghevuert 1185[regelnummer] so dat har dochte in haren moede dat al har lijf met roden bloede was ouergoten dat was alsi gods pinen gedachte, ende daer bi so was daer een gesteleke 1190[regelnummer] priester, di haer heymeleke
[Folio 60r]
volghde na op enen tijd doen hi hem vermoedde dat hijd soude onderuinden, ende onderuand ende vantse ligghende aen een wand 1195[regelnummer] jn contemplasien ende in ghebede ende sach daer opte selue stede hande ende anscijn albloed baren als ocht si ouergoten waren met verscen bloede blickende daer. 1200[regelnummer] Oec sach de priester dat har haer met blodegen druppelen ouer al besprinkelt was sonder getal. Doen nam de priester de goede man een scere ende sneed aue van 1205[regelnummer] hoeren hare een deel alstille ende droeght ind liecht na sinen wille ende doen hijt sach ghereckeleke so had hem alte wonderleke Daer na als si weder van 1210[regelnummer] buten haer sinne volcoemlec gewan verwandelde thaer daer in sijn hant ther natuerleker vaerwen tehant
[Folio 60v]
Doen was de priester voer hen allen van vresen bina ter erden geuallen 1215[regelnummer] Nu moghdi merken waer om de gu^oede lutgart, so roedech was van blu^oede dat was daer omme als ict versta dat si volcomelec volghde na den meeghden die haer stole wieschen 1220[regelnummer] jnd blu^oed dies lams, ende wrake yeschen.

Vorige Volgende