Leven van Sinte Lutgart

[22] Wie dat een urouwe die machtelt hied. har horen datsi verloren hadde weder gewan ouermids hoere

Een edel urouwe di machtelt hied
van bi ludec gheboren, si lied
haer erue ridderen haren sonen
ende voer te hawires wonen
Ende al di vrouwe was cranc ende oyt
verloessi haer horen sonder gewoyt.
Daer na gheuielt eens datte nonnen
vessperen hoechlec te singgene begonnen
ende was daer een nonne die gaf
der douer urouwen een teken daer af
ende al sijt teken hadde uerstaen
beweende si haer doefheit, ende saen
so quam lutgart ende vreghde hare
waer om si weende ende wat har ware.
Jc mach sprac si weenen wale
dat ic mijn horen so themale
heb uerloren dat ic nyen can
gehoren de grote feste van

[fol. 59v]

 

den sancghe daer men gode diend mede

 

doen warp haer lutgart in haren gebede

 

ende stont oppe daer na thehant

 

ende nam twe vingere van hare hant

1175

ende bestreecse beide met gore

 

ende stacse der douer in haer ore

 

doen hoerde si van binnen scoren

 

met groten ghecracke beide har oren

 

ende ghewan volcomeleke

1180

haer horen weder sonder gebreke

 

ende benendyde onsen here

 

ende dancte sinte lutgarden sere