Leven van Sinte Lutgart(1987)– Broeder Geraert– Auteursrechtelijk beschermd Vorige Volgende [21] Wie datse begerde om gode gemartelt te sine ende dat har een adere scoerde iegen therte Si peynsde om den genen gereet di groet pine om haer leed 1095[regelnummer] ende wart ontsteken alte sere ende begerde om onsen here gemaertelt ende gepient te sine op dat si heme vergulde sijn pine maer want der martyrien tijt 1100[regelnummer] was leden als de winter lijd bereid haer god een ander manyre der lichamlec martyrien scire. Ende et geuyel eens nachts dat si na completen de maghet vri 1105[regelnummer] voer haer bedde al bedende stoet daer quam haer in haren moet [Folio 58r] [fol. 58r] dat si begeerde alte sere ghemaertelt te sine om onsen here also als was ghemaertelt agnes 1110[regelnummer] ende alsi so sere des begerde dat si gemaertelt ware dat si steruen weende, brac hare een ader vte ter seluer stont die rechts scheghen haer herte stont 1115[regelnummer] daer so veel bloeds vt liep dat cuculla ende roc van bloede ward nat ende om dat si ward cranc daer af deed god dat haer dat bloeden begaf ende als dat bloeden was ghedaen 1120[regelnummer] vertoende hem cristus haer seluen saen met enen bliden anschijn doe ende sprac haer lieflec alsus toe..... Om de grote begerte die ghi hebt te sturtene v bloed om mi 1125[regelnummer] so seldi comen ten seluen lone daer agnes toe quam de maghet scone dier men af sloegh haer heilege hoed want v begherte si es so groet [Folio 58v] [fol. 58v] om minen wille ghemaertelt the sine 1130[regelnummer] dat si wel staen mach uoer de pine... ¶ Dit selue dreght ouer een daer mede dies ic in den beginne dede van den irsten boeke ghewach daer se een edele urouwe sach 1135[regelnummer] doen si noch was een kint themale die urouwe sprac toet haer dees tale ghi selt een guoede ander agnes ghewaerechlec sijn sijt seker des... Men soud dat segghen verre ende wide 1140[regelnummer] dat sinte luthgard in den tide dies vreden, metten merteleren was ghecroent na haer begeren... ¶ Hier af soe gheuen oercunde ons twe nonnen, margreta ende lutgard lymons 1145[regelnummer] die heilech waren beide ende goet die daer na dat si sturtte har bloed haer cleder wijschen ende vondent waer Oec waes getughe dat teken dat daer van der wonden stont in haer lijf 1150[regelnummer] toet dat si staerf dat heileghe wijf [Folio 59r] [fol. 59r] Doen god dit wonder wracht aen haer was si oyt acht ende twintech iaer... Vorige Volgende
Auteursrechtelijk beschermd Auteursrechtelijk beschermd Auteursrechtelijk beschermd
Auteursrechtelijk beschermd
Auteursrechtelijk beschermd