Leven van Sinte Lutgart (1987)

Leven van Sinte Lutgart

(1987)– Broeder Geraert– rechtenstatus

Auteursrechtelijk beschermd

Vorige Volgende



[Folio 62r]
[25] Wie datsi een nonne van coringen verloeste Een grauwe nonne was seer becoert als ghi hier moeght horen voert di nonne sach ouer menech iaer 1280[regelnummer] jn haren slaep theuoren waer de gu^oede lutgard haer oppenbarde ende waren har geseght dees waerde dat si daer af soud werdden uerloest met haren gebede, op desen troest 1285[regelnummer] quam langhe daer na di selue ionfrouwe al toet hawirs toet haer op trouwe ende kindde haer anschijn tehant mettyen dat si slapende had ghesien daer deed haer de maghet soete 1290[regelnummer] van allen haren coringhen boete.. Alsi aen hoer was worden gewaer so grote cracht, doen bat si haer dat si haer dat oec woud beyaghen aen gode dat si mocht gedraghen 1295[regelnummer] den arbeit van der ordenen wale ende dat si vleschs mocht daruen temale want si vleschs nyen mocht ontberen
[Folio 62v]
van kinschen daghen sonder groet deren want si van kinschen daghen qual 1300[regelnummer] dat sach ane luthgart al dat si was teder ende morv, nochtan doen sise met groten tranen verwan so seid si toet hare, gaet van mi van desen daghe uoert seldi 1305[regelnummer] vleschs mogen daruen, ende v ordyne houden sonder eneghe pine nv siet ocht gijs meer hebt vernomen alsi weder tehus was comen jnt siechus . so sedtemen voer hare 1310[regelnummer] vleschs, ende alsijs wart gheware ende alsijt dvleschs voer har sach staen so keres daer af haer anscijn saen ende eysde haer so sere dat sijs nyet eten en mochte en geenrewijs 1315[regelnummer] Dat was besocht dicwijl nochtan ende vonden gewarlec dat si gewan so groet eysinghe int herte daer af dat sijt dvlesch temael begaf ende daer na noyt sint vlesch en at..
[Folio 63r]
1320[regelnummer] Oec mochtmen sien ende merken dat dat si den arbeyt ende de loboere van der ordenen so wel ter coere droegh, ende oec so lichteleke dat dad was alte wonderleke... 1325[regelnummer] Dees selue nonne dier dit gesciede plaecht te vertellene voer de liede met groter scemden menechvoyt doen si abddisse was wordden ende oyt dat deed si sinte lutgarden the eren 1330[regelnummer] om dat si haren lof woud meren

Vorige Volgende