Leven van Sinte Lutgart

[fol. 51r]

[15] Wie datte viant hem oppenbarde dar en nonne starf.

DEn genen di storuen dien stont si bi
ende manesse ende brachtse dar to datsi
haer biechte spraken van haren sonden
ende geloefd hen werd dat si uolstonden
jn penytencien, dat hen soud geuen
ons here god dat euweghe leuen.
¶ Ende et gheuiel dat ouer doed
een suster lach in groter noet
di oec een alte sware doed leed
daer was de viant wel ghereed
ende vertoende hem der goeder lutgarden
ende sprac har toe met sustenegen warden
jc heb die suster dach ende nacht
gequelt, ende hebbe getoent mijn macht
maer doen daert folc quam toe gegaen
soe was mijn macht aen haer gedaen.
Dfolc, hiet si dconuent dat quam
ende hem sijn macht temael benam
daer si lach in groter qualen
jn dien dat si haer ziele beualen.
¶ Et es heilech salech end goet
dat men den sieken dan gracia doet

[fol. 51v]

820

alsi ligghen in gods ghewoud

 

ende dat men hen jnd inde wees houd

 

ende met ghebede dan bi sta

 

want de viand geet hen na

 

ende pijnt hem sere dat hise mogh keren

825

van den geloeue, ende bringh toneren