Leven van Sinte Lutgart (1987)

Leven van Sinte Lutgart

(1987)– Broeder Geraert– rechtenstatus

Auteursrechtelijk beschermd

Vorige Volgende


[14] Wie dat haer was verboden van der abdissen dat si alle sondage ons heren lichame nyen ontfinge Om trint dien seluen tide ghesciede een dinc intd cloester dat veel liede voer wonder hadden, dat ic v sal segghen wildijd horen nv... 760[regelnummer] Lutgard di edele urouwen name si plach tontfane gods lichame alle sondaghe al sint austijn maent dat doen sal elc goet kerstijn. Ende si had een abdisse di hied 765[regelnummer] ver agnete, dien lietse nyet den heilegen lichame gods ontfaen want si was hen te rade ghegaen di haer nyen rieden bescedeleke Doen sprac lutgard omoedeleke 770[regelnummer] thoter abdissen died haer uerboed jc sal v wesen thoter doed mijn lieue moeder gorsam, maer dat weed ic wel uoer seker waer dat god sal wreken ouer v
[Folio 50v]
775[regelnummer] die pilecheit die ghi mi du^oed nv eer ghi van ertrike ommer uaert. ¶ Nu siet ende merct wie dat lutghart eer ghi van ertrike ommer uaert. nu siet ende merct wie dat lutghart wart gewroken, want daer na saen wart si met siecheiden so bestaen 780[regelnummer] dat si ter kerken nyen const gegaen ende de siecheit si wies vast aen ende en woude haer nyet verghaen eer datse bekinde dat si ghedaen had onbescedenheid daer mede 785[regelnummer] dat si haer dede so groten onvrede ende eer sijd ghebod weder riep dat schegen sinte luthgarden liep. Ende de gene di jn dees daed scheghen haer waren och gauen raed 790[regelnummer] ocht si staruen so dat men mocht sien kinlec ouer hen wrake ghescien ocht si deden als de vroede ende sochten ghenade met omoede. ¶ terechte ginc dan dies bruedgoms wrake 795[regelnummer] op hen die daer waren sake dat sijn brued bedru^ovet waert ende di haer tonrechte waren haert

Vorige Volgende