Leven van Sinte Lutgart (1987)

Leven van Sinte Lutgart

(1987)– Broeder Geraert– rechtenstatus

Auteursrechtelijk beschermd

Vorige Volgende


[4] Wie datse enen abd van fonen van den veghviere verloeste met alte starcken gebede.
[Folio 37r]
175[regelnummer] Et was oec een edel man tyen seluen tiden wel na di van dietschen lande geboren was ende symon hiethi als ic las een wel gheleert man ende een geract 180[regelnummer] die the fonyen wart abd gemact want hi was in dordene van cistiaes moenc di selue man. maer als was hi jnnech ende van heileger meiningen, hi was nochtan 185[regelnummer] herd ende wreed ende sonder sparen op de gene di onder hem waren... Dees man wart met eer hasteger doet begrepen also alst god gheboed... Dese had luthgarden sunderling wert 190[regelnummer] want si van doghden was vermeert Daer om so was si van sier doet seer bedrueft, ende dede oec groet pine voer hem sunderlinghe met vastene ende met andren dinghe 195[regelnummer] ende bat gode dat hi ghewerde the verledegen zijn siele, daerd erde den lichame had beloken af
[Folio 37v]
dien men den wormen ter spisen gaf. Doen si hem bat sus jnnechlec sere 200[regelnummer] voer sijn siele, so antwerd ons here ende sprac toet har alsustenegh tale ghetroest v want ic sal hem wale doen den genen daer ghi voer bid. maer har en was genoech nyet dit 205[regelnummer] so dat si hem so langh aenhinc dat si anderwerf ontfinc andwerd van hem ende gu^oeden troest dat hi soud werden corteling verloest Doen sprac de maeght toet gode noch 210[regelnummer] wat troeste wildi mi gheuen doch ter zielen behoef di int veghvier leght ende bernt, seght mi dat hier Doen sprac de maeght toet gode noch meer ende seide, here jn sal mijn seer 215[regelnummer] nyen laten varen, noch mijn wenen maer ic sal dru^oeuen ende wenen altenen ende ic en sal mi troesten nyet om v gelof en twinteken yet voer dat ic sie de ziel verloestd 220[regelnummer] daer ic om bidde dat gi mi troestd
[Folio 38r]
Doen en woudse god ons here niet langer laten bedrueft sus sere maer hi vertonde hem seluen daer ende bracht de ziele scone ende claer 225[regelnummer] met hem vten veghvier verloest ende presenteres haer thenen troest ende seide , mijn lieue nv trost v want did es de ziele daer hi voer bid thehant al si dit sach, viel si 230[regelnummer] opd erde neder, ende danct hem dat hi die ziele verloeste genedechleke ende benendyden euweleke. om dad si hadde haer begeert.. ¶ De ziele si voer te hemelrijc weert 235[regelnummer] met groter glorien ende dancte sere lutgarden di haer hadde haer pine ghecu^ort jnt veghvier so langh te sine. ¶ Die selue symon hi oppenbarde namaels menechwerf lutgarde 240[regelnummer] ende onder ander dinghe di hi haer vercu^ondeghde der maghet vri so seid hi hare dat voer waer dat hi moest hebben .xl. iaer
[Folio 38v]
jnt veghvier te sinen onwille gestaen 245[regelnummer] en hadde lutgarden ghebet gedaen.

Vorige Volgende