Leven van Sinte Lutgart(1987)– Broeder Geraert– Auteursrechtelijk beschermd Vorige Volgende [5] Wie dat si woude versekert sijn van haren state. Ende wie dat een iongelinc quam blickende daer sijt alle saghen ende troestese. Metten geeste der vresen was si getekent met omoede de maget vri ende also als grote vlaghen jnder ze den minsche verschagen 250[regelnummer] also ontsach si haer werke algader voer den gerechten hemelschen vader als ocht si in twivele hadden gestaen ende ginc gode daeghlijcs aen ende bat hem alte betterlike 255[regelnummer] dat hise versekerde op ertrike jn deser begerten bleef si voer waer toet dat een stimme quam oppenbaer. op enen dach die toet haer sprac sijt seker ende houd v ghemac 260[regelnummer] want gode v leuen wel behaght doen ward si blide de reyne maght maer dat duerde en corte stont Ende doen har weder dgepens bestont [Folio 39r] [fol. 39r] so wart si weder sorgende saen 265[regelnummer] alsi the uoren hadde ghedaen. Doen quam een stimme weder toet hare ende sprac haer toe sus oppenbare wildi hebben yet op trouwe marien van roauien de grote vrouwe 270[regelnummer] thenen sekeren ghetughe van mi neen ic nyet sprac si want si ontsiet haer sere, ende si soude versten dat si mi segghen woude Doen seid di stimme weder toet hare 275[regelnummer] Nu weest te rasten mijn lieue kare want ghi selt cortelinghe sijn hier af versekert vrijndinne mijn. ¶ Daer na leed coym tijt van vier dagen dat quam daer vele nonnen toe sagen 280[regelnummer] jnt spreec hus daer si te gader saten toet hen gaende een vtermaten ersam man, maer onkinleke dies alle gruete corteleke ende bat dat men hem haelde saen 285[regelnummer] lutgarden, doen quam si ghegaen ende hi gruetesse lieflec doe [Folio 39v] [fol. 39v] ende sprac haer uoer hen allen toe die here die alle dincs macht heft hi ontbied v dat ghi left 290[regelnummer] blideleke ende seker sijt voerwert meer jn alre tijt ende dat ghi voerwert meer nyen claght want ghi gode wel behaeght. Ende als de iongelinc had dees tale 295[regelnummer] geseght, vervoer hi saen themale Darna soen was the vregene nyet wie hi was en twinteken yet ocht daer toe oec wanen hi quam want daer af nyman en vernam. 300[regelnummer] Onlanghe daer na so quam een man van heileghen leuene diese van desen dinghen versekerde the male dat si haer liet ghenueghen wale Vorige Volgende
Auteursrechtelijk beschermd Auteursrechtelijk beschermd Auteursrechtelijk beschermd
Auteursrechtelijk beschermd
Auteursrechtelijk beschermd