Leven van Sinte Lutgart (1987)

Leven van Sinte Lutgart

(1987)– Broeder Geraert– rechtenstatus

Auteursrechtelijk beschermd

Vorige Volgende


[3] Wie datse meestere iacobe van vitriaken verloeste van eenre vtermaten groter coringen. DOen meester iacob van vitriake als ghetueght sijns selues sprake de gracie van predekenne ghewan 120[regelnummer] over mits de bede van sinte lutgarde den heileghen wiue di gode behaghde in haren live gevielt dat dese meester iacob minde een geestlec wijf di ob 125[regelnummer] haer bedde tien tiden lach ende qual niet met dorperleker minnen mar al the minscheleke mind hise dat sceen so dat hi hem becommerde aln een met hare, om haer te done vrede
[Folio 36r]
130[regelnummer] ende liet sijn predeken achter dar mede... Als lutgarden in den geeste wart cont datd metten meester also stont ende alsi in den geeste wiste datte quade geest met liste 135[regelnummer] dies meesters herte so swaerlec bant so ginc si bidden gode tehant met groten bettren tranen dat hi sijn herte verwandelde, ende alsi sach datd haer nyen mocht bescieten 140[regelnummer] so beresspese gode ende hieten dat hi herd ende pilec ware wat andwerden gaf ons here doen hare.. Gi bid sprac hi voer enen man daer ic v gehoren nyet voer en can 145[regelnummer] want hi streeft scheghen alle dit jn contrarie dat ghi mi bid.... Dit waren sijn waert, mar hi verste dat te vervullene dat si hem bat... Doen si sach de werde lutgaert 150[regelnummer] dat god haer bede nien hoerde, so wart si onverduldech ende riep sere met groter stimmen op onsen here
[Folio 36v]
wat eest sprac si dat gi doet di alte genadech sijt ende goet 155[regelnummer] mijn vriendelec here sceed mi van v ocht verloest den minsche nv daer ic v voer bidde, nochtan dat hijs selue nyen wilt de man. nv hoert daer wonder groet gescien. 160[regelnummer] want sonder beiden tehant met dien dat si hem bat so ernsteleke wart hi ontcommert volcomeleke ende benendide onsen here ende dancte der goeder lutgarden sere 165[regelnummer] doen loec hi op sijn oghen ende sach dat hi in sorchleken leuene lach doen hi van herten was verblintd want hi had tutterstlec ghemintd dies hi nyen const gesien te voren 170[regelnummer] Daer na nyet langhe so wart gecoren dees ersam man meester iacob toet achonen werdeleke besscop ouer ze, dit laet ic hier mede varen, ende segghe wat si voert dede.

Vorige Volgende