Leven van Sinte Lutgart(1987)– Broeder Geraert– Auteursrechtelijk beschermd Vorige Volgende [2] Wie dat de maght maria har beclaghde van der quaetheit dies folcs van albigencien. Ende wi dat men har daer om hied vasten .vij. iaer te brode ende te bire DOen men jn albigencien lant 60[regelnummer] vele ongeloueger liede vant so oppenbarde har lutgarden de vrie di edel moeder ende maeght marie [Folio 34v] [fol. 34v] met enen leleken swarten anscine als ocht si droeue were in scine... 65[regelnummer] Doen lutgart sach in visione dad dat lieflec vriendelec scone anscijn, so lelec was ghedaen riep si met helre stimmen saen ende met groten ghebrische op hare 70[regelnummer] ende vreghde marien wat har ware... Wats v sprac si ghenadege urouwe dat ic v lieflec anschijn scouwe so swert ende bleec bericht mi des dat so vol van gracien es... 75[regelnummer] Doen andwerd ons vrouwe en sprachartoe siet sprac si, mijn dochter hoe mijn sone anderwerf werd bespuet wie hem sijn pine werd vernvet van ketteren ende van quaden cristinen 80[regelnummer] dien anderwerf nv crusen ende pinen Dar om nemt aen een iammerleke leuen, ende vast gedaetscheleke tynden een dese seuen iaer dat mijns soens abolghe daer 85[regelnummer] met ruste ende bliue, di comen soude [Folio 35r] [fol. 35r] der werelt, en weer dat hijt woude om uwen wille laten varen... Daerna binnen seuen iaren soen atsi nyet dan broet ende bier. 90[regelnummer] nv siet een grote miracle hier. met ghehorsamheiden was si daer toe ghedwonghen de maget vri dat si nam in haren mont yet pulments the menegher stont 95[regelnummer] ende pruefde ocht sijt const ghe eten maer dies dar ic mi wel vermeten dats noyt en conste haer kele geliden eenr bonen groet jn eenghen tiden. Ende nochtan dat si selue dede 100[regelnummer] groet abstinencie ende vaste mede sonder op houden eenperleke nochtan verblides haer sunderleke alst conuent jn spisen had bat so dat si seide ouer waer dat 105[regelnummer] si voer een maent the bat daer af als men den convente gaf pytancie sonderlingh clochteleke seid si ende lyes sekerleke [Folio 35v] [fol. 35v] dat ghemeynlec nyet en ware 110[regelnummer] gegeuen den lieden dat sunderling hare was verleent om selecheit ende orber alderkerstenheit ..... ¶ Dit es schegen de gene met gode di arbeit vensen in den labore... 115[regelnummer] So si meer vfende dfasten so si starker was de maghet vri... Vorige Volgende
Auteursrechtelijk beschermd