Leven van Sinte Lutgart(1987)– Broeder Geraert– Auteursrechtelijk beschermd Vorige Volgende [Dander boec] [Folio 33r] [fol. 33r] Hier beginnet dander boec jnd leuen sinte luthgards. Wie dat har ons vrouwe oppenbaerde doen se vreesde dat mense abddisse soud kiesen. Ende dat se met miraculen nyen const geleren walsch DOen oueral lutgarden fame toe nam ende haer guoede name begonst men te stichtene altehant nvwe cloestre int walsche lant 5[regelnummer] Ende daer toe dedens alhar macht dat sijt so verre hadden bracht beid heymelec ende oppenbare dat si abdisse wordden ware had si walsch gheconnen yet 10[regelnummer] maer dies en const si en pijl nyet... Als dat de werde lutgart vernam wart si verduldechleke gram ende vreesde dat mense sus woud eren ende keerd har met herten ter moeder ons heren 15[regelnummer] ende bat har met tranen dat sise nyen liete comen jn dien groten verdryete ende dat si dat nyen liet ghescien Doen oppenbarde har maria mettyen ende sprac toet hare dees liefleke waert [Folio 33v] [fol. 33v] 20[regelnummer] ghien selt niet sijn sprac si veruaert dat men v in enech cloester int land jn enech ambacht setten sal, wand jc sal mijn targhe dar schegen setten dat v nyman sal moghen letten 25[regelnummer] ende sal v bescermen ende houden in vrede Nu merct wie wel maria dede dat si har gheloefde ende hoe dat si de dinghe belette doe dar si af was so sere in vare. 30[regelnummer] Coym hadse .xxiiij. iare nochtan dat si so sere hied verliecht van geeste, soen constsi niet dar na binnen .xl. iaren onder de nonnen di walsch waren 35[regelnummer] geleren coyme walsch so groet dat si jn walsche ge eyscht had broet dies heb de maght maria danc dat si binnen also lanc dat si had .xxiiij. iaer 40[regelnummer] doen si van sinte katrinen daer Te hawires wonen quam ende de grauwe ordene nam [Folio 34r] [fol. 34r] nochtan en const si jn der noet jn walsche nyet ge eyschen broet 45[regelnummer] sulcstont als haer de honger aenginc dat was een wonderlike dinc dat si binnen .xl. iaer walsch nyen const gheleren daer maer god noch si en woudens nyet 50[regelnummer] had sijt begeert et weer ghsciet ¶ Doen tfolc dit oppenbarlec kinde so liet men rusten gods werde hinde jn der contemplacien ons heren ende lietse daer toe har sinne keren 55[regelnummer] ende en dors se nyman wecken noch teneghen prelaetscap trecken voer dat si selue woude, nyet eer ende sien wouds selue oec nommermeer Vorige Volgende
Auteursrechtelijk beschermd