Leven van Sinte Lutgart

(1987)– Broeder Geraert– rechtenstatus


[22] Wie dat de weerde luthgard van sinte benedictus ordene voer jnde grauwe ordene JN sinte katrinen cloester daer was lutgart nonne wel .xij. iaer tier tijt was daer een heilech man 1260[regelnummer] di van lyre hied meester ian vten besdom van ludeke was hi heylech ende salech so docht hi mi .. hi kinde haer heilech leuen, ende bat haer sere dat si liete de stat 1265[regelnummer] ende dprioreit dat si besat als prelaet, ende maende har dies dat si, in een cloester uan nonnen soud uaren di van der ordenen van sistyaes waren ende want si nyen conste walsche sprake 1270[regelnummer] soen scheen sijs nyet wel tegemake
[Folio 30r]
ende voer int walschelant wonen node maer si hadde eer te herkenrode jnt cloester dar diedsche nonnen waren van der seluer ordenen gheuaren ... 1275[regelnummer] ¶ Doen sprac har god toe ernsteleke ende seide, ic wil dat indeleke dat ghi vaert te hawirs wert stoiteleke ende onververt en doedijs nyet so wet dat wale 1280[regelnummer] dat ic v sal begheuen themale ... ¶ Doen dit der heileger kerstine wart cont datd met lutgarden alsus stont dier leuen dat ic oec heb bescreuen Om dat si haer hier op raet woud geuen 1285[regelnummer] quam si toet hare ende seid dees waert .. Waer om soen du^oed di nyet teruaert ende vervult die dinghe di v van gode sijn gheheten nv Doen andwerdde lutgart weder saen 1290[regelnummer] ende seide dat si nyen conste verstaen van den lande daer de sprake dat were sprac si dar toe groet sake Doen antwerdde kerstine har tervaert
[Folio 30v]
alst haer god gaf, ende seid, lutgart 1295[regelnummer] jc waer mi lieuer in di helle ende god daer ware mijn gheselle dan in hemelrike the sine sonder gode , daer andwerdde kerstine sonder twivel alte wale 1300[regelnummer] si andwerdde een werdeghe tale jn hemelrijc metten ingelen te sine sonder gode dat weer pine maer in de helle met gode te sine dat waer groet welde ende en geen pine. 1305[regelnummer] Haer tale was dan gewarech ende wijs waer xpistoc es darst paradys. Cristus die nyet lyeghen en mach sprac toten scekere doen hine sach hangen aenden cruse daer bi 1310[regelnummer] heme, doen sprac hi gi selt met mi jnt paradys noch heden sijn. ¶ Ets clerleker dan tsonneschijn oppenbaer, dat op dien dach wat men daer toe segghen mach 1315[regelnummer] cristus ziele jn geenre wijs voer int hemelsche paradys noch oec jnt erdersche paradys
[Folio 31r]
maer in de helle, daer hi op prijs vechten voer schegen de viande 1320[regelnummer] dien hi deed beid scade ende scande jn dien dat hi de zielen verloeste di daer waren the haren ontroeste ..... ¶ Ende met heme als hi voersede and cruse, voer schekers ziele oec mede. 1325[regelnummer] ¶ Hier met pruefde hi jn deser wijs waer cristus es daerst paradys. wi seer onsuver dat weer een stat gods presencie maecse, dat si lostlec ende lieflec es bouen al 1330[regelnummer] want jnte scouwene gode est al ... ¶ Nu merket alle na mi ende siet jc setdso datte helle nyet den paradyse simpelleke en can gheliken, nochtan warleke 1335[regelnummer] so was har andwerdde geue en goet ende es ende altoes bliuen moet want ic soud dat kyesen eer ende et es the kyesene veel meer jn wat stade datd ware, the sine 1340[regelnummer] met den god die sonder pine alle dinc gheschapen heft
[Folio 31v]
dat inder naturen es ende left ende di van nymanne comen en es dan dat ic were sijt seker des 1345[regelnummer] met enegen vergenkeleken goede dat gescapen es op eneghe stat di so ghenuechlec weer van prise ya in den erderschen paradyse ocht metten jnghelen jn hemelrike 1350[regelnummer] want dat en es en ghen ghelike ... ¶ Als luthgart hoerde kerstinen waert wart si ghesteerct ende gaf har tervart tallen dinghen the sine ghereet... ¶ En was har nyet swaer te radene godwed 1355[regelnummer] enech dinc daer haer in dochte dat si volcomeleker leuen mochte dat deed se gherne ende daer toe so was si goet te bringhene doe. Doen wart si willech end beidde nyet 1360[regelnummer] maer voer daer haer har mester riet then grauwen cloester werd dat steed jnts hertoghen lant van brabat ende heed hawieres dies waren themale bedroeft de nonne dat weet ic wale
[Folio 32r]
1365[regelnummer] van sinte katrinen cloestre om dat si verloren den dieren scat ... Doen doeghde lutgart met hen sere ende settese te vreden in onsen here ende alsi gode hadde ghebeden 1370[regelnummer] dat hi de nonnen setdte the vreden so oppenbaerd har di edele die vrie die suete troestersse sinte marie met enen blidenghelate om dat si soude doen dat si haer bat 1375[regelnummer] ende dat si soud varen opte stat di haer ghe egent was sunderlinghe dit was de waerheit van den dinghe. Ende voer dconvent daer si voer bat so gheloefd haer maria dat 1380[regelnummer] sijt om har bede soud promoueren jn geesteleker ende wereleker eren jn gesteleken goede ende oec daer mede jn wereleken al si oec dede dat wi noch te mielen sien 1385[regelnummer] toet op desen dach ghescien want al es dat ongheuael jn dordenen bina ouer al
[Folio 32v]
dat si af nemen ende slappen almeest nochtan so houd de heileghe geest 1390[regelnummer] den cloester altoes uan sinte katrinen jn sier eren ende in sinen goeden name, vele meer dan hi te uoren noit deed eer so dad daer schegen datd elder geet 1395[regelnummer] jnt cloester the mielen wel noch steet dies si de gu^ode luthgart ghe eert die dat aen gode procureert datd cloester heft ende hebben sal pais ende vrede ere, ende gheual. 1400[regelnummer] ¶ Gi ionfrouwen van mielen datsnv mijn raet dat gi altoes daer na staet dat ghi luthgarden houd te vriende want sijs dicwile hier verdiende. ¶ Hier nemet dierste boec nv jnde 1405[regelnummer] van den dinghen di luthgart jnde ordene benedicti beginc jn dander boec wilic de dinc die si voert wrachte doen verstaen Hier geed dander boec nv aen ...

Vorige Volgende

[22] Wie dat de weerde luthgard van sinte benedictus ordene voer jnde grauwe ordene