Leven van Sinte Lutgart

(1987)– Broeder Geraert– rechtenstatus


[21] Wie dad cristus sijn hant daer tussche leide doense dabd woud cusschen. Ende wie sere dat de ionfrouwen van ordenen scuwen souden der manne cussen. JN midden dien tijt so quam geuaren dabt van sintruden met groter scaren van der concilien generael daer paus was ende besscop ende cardinael 1085[regelnummer] te sinte ians te lateraen ende also uollec ende also saen als de nonnen van sinte katrinen vernamen dat hi quam met sinen
[Folio 26r]
gesinde, ontfinghen sine algader 1090[regelnummer] als haren gesteleken vader met processien ende met eren ende met loue ende glorien ons heren. Doen ginc hi inde kerke ende sprac sijn ghebed, ende daer na trac 1095[regelnummer] hi inde capittele ende riep tesamen dcouent te male di alle dar quamen Ende also als doen was de sede onder eenvuldeghe liede so dede de abd har gesteleke uader 1100[regelnummer] ende custe de nonnen allegader Daern deed hi niet behuedlec inne maer doen hi woude de priorinne lutgarden cussen ende toet har quam ende sine wederstont, so nam 1105[regelnummer] hi, har hande ende hiltse bede Als hi den andren nonnen dede daer deed hi har gewoud, maer si leed alsi mochte, ende daer bi so leide god dies hem onderwant 1110[regelnummer] te middewege daer tusschen so sijn hant dat si van dien cussene nyet
[Folio 26v]
en geuuelde daer si yet en twint beruert mocht wesen aue dat was sekerlec gods gaue .... 1115[regelnummer] ¶ Daer om so scaem hem di onreine sede, di nv es so ghemeyne datte manne cussen de wiuen ende weenen dat sonder sunde mach bliuen ende willent bedecken als ocht sijt daden 1120[regelnummer] van vriendeleheiden ende van genaden ende segghen dad geen sunde en es et es groet sunde sijt seker des est oppenbaer eest heymeleken ets sunde metten monde geneken. 1125[regelnummer] Gi ionfrouwen ic wil wel dat gi wet Een man mach cussen en ionfrou met sodeneger meiningen si doen daer bede sonder twiuel hoeft sunde mede. maer si willen har dolinghe 1130[regelnummer] bescudden met sinte pauels leringe want di apostel sinte paulus hi scrijft toten corinthen alsus Gruet v sprect hi onderlinghe met heilegen cussene, dit sijn de dinge
[Folio 27r]
1135[regelnummer] daer met dat sijs wenen ontgaen. Dat woerd salmen alsus verstaen. De manne selen cussen de man de wiue de wijf, als wi uan sinte augustine hebben gheleert 1140[regelnummer] die dit woert alsus exponeert anders gaue de apostel ons heren ocsuen toncuescheiden woud hi dat leren die ons elre oec geeft raet dat wi ons nyet van der daet 1145[regelnummer] en selen pinen te huedenne allene maer oec seel wi ons hueden rene uan aller quader gedeenten moten daer hen de liede aen mogen stoten. ¶ Dunct v dat yet hebbende wel 1150[regelnummer] quade gedeente ende quaet bispel daer met tastene der lichamen werdden besmet de herten te samen Ende vergaue god vergaue dat daer nyet anders en quame aue 1155[regelnummer] so dat de lichamen bleuen rene ende di herten besmetd allene maer daer dies tastens vele werd
[Folio 27v]
geuallet dicke datmen voert terd. ¶ Sinte augustijn di grote lerere 1160[regelnummer] hi uerbiedet alte sere jn der canoenke regule dat nyman den andren langhe en sal sien an noch urouwen de manne noch man de urouwen ende datmen om sodenech staren ende scouwen 1165[regelnummer] daer men di ogen in een leet gaen ende lange leed met genuchten staen dat men dies plegen. werpen sal slecht vter moenke geselscap dats recht want al es met lichamen een man 1170[regelnummer] verre van enen wiue, nochtan wilt hise aenstaren met quader begerten hi wert dar af besmetd uan herten ende es v oge oncusch, wet wale so es v lichame oncusch temale .. 1175[regelnummer] ¶ na dien dat men met siene so saen quade coringhen mach ontfaen wat mach den genen dan ghescien di dandre nyet allene en aensien maer vergedren oec metten monde 1180[regelnummer] ende geuen den andren stat ende stonde
[Folio 28r]
te helsene te cussene te tastene van neder toet bouen, ouer al hier ende weder ende werden so ontsteken van binnen dat si gode noch siele en kinnen 1185[regelnummer] ende begaen met tastene dan datd nyman nyet wel ontsculdegen en can en si veel arger dan de daet nochtan eest een ende dander quaet. ¶ Jn een boec dat sunderlinghe 1190[regelnummer] dboec heed uan der naturen der dinghe jn dat boec so seght plinius dat een vesch es heed clausius die de hingenen uan achter ontwe bijtd di gespijst sijn in de ze. 1195[regelnummer] met desen uesche so sijn ons de gene betekent, di sunderlinge ende gemene de werke scuwen der oncuscheit als ocht sise hadden leyt ende weren quaet daer to te bringene 1200[regelnummer] want si scuwense als een hinghene maer de genuechte begerense als spise ende staen daer na in menegerande wise. Dese scinen versmeden oncuscheit
[Folio 28v]
ende scinen minnende reynechheit 1205[regelnummer] maer si uallen te menegher stonden met cussene met tastene in mere sonden. van sustenegen lieden heft paulus gescreuen datse ons here heft ghegeuen in enen verkerden sin temale 1210[regelnummer] dat si doen datte, dat nien vuegt wale ¶ Daer om soud ict wel toe bringhen met redenne maer et soud verlinghen dat si gelijc sijn beesten ende diere ende onreynre dan poityere 1215[regelnummer] ende dat si in den heileghengeest blasfemeren, dats aldermeest. Dees doen der reynechheit groet scande ende sijn seker haer viande maer si geberen als ocht si waren 1220[regelnummer] haer vriende, si en sijn nyet twaren ¶ O edele bruet ons heren o maght gi wie dad sijt dier reinecheit behagt ende di maghdomlec suverheit mint siet ane lutgarden dit reyne kint 1225[regelnummer] ende laet v eysen van sustenegen stucken ende hued v van der manne tucken.
[Folio 29r]
Wild v yman cleyne ocht groet cussen, ocht steken in uwen schoet sijn hande, ocht oec tasten v borste 1230[regelnummer] ocht di v elder genaken dorste sputenne voert cussen in sijn anscijn dat radic v o dochter mijn. eest dat v yman tasten wilt daer schegen si v vuest en scilt 1235[regelnummer] credse ende slaetse van v ghereet en scames v nyet maer sijts gemeet Daer jnne soen seldi nymanne scone noch gesteleke noch wereleke personen want also als manne ende wijf 1240[regelnummer] hebben orlof dat si haer lijf jn der noet mogen verweren als men hen aen har lijf wilt deren also moeghdi wel wederstaen di v onhoueschlec tasten aen 1245[regelnummer] ende moeghse in haer anschijn slaen doedijt dats harde wel ghedaen daer met so maecti dingele vro dat ghi vwen maghdom bescermt also. En went nyet dat di manne sijn knecht
[Folio 29v]
1250[regelnummer] ons here gods maer sduvels slecht. En went nyet dat si sijn gesteleke maer vlescheleke ende besteleke. En went nyet dat si sijn na volgeren der cuscheit ocht dat si dier begeren 1255[regelnummer] maer si sijn onreyne vule leckarde ende poityire ende gholiarde...

Vorige Volgende

[21] Wie dad cristus sijn hant daer tussche leide doense dabd woud cusschen. Ende wie sere dat de ionfrouwen van ordenen scuwen souden der manne cussen.