Spaanschen Brabander

[fol. 5v]

'Tboeck
Tot den
Leser.

Van onverstandighen die selver niet en doghen
VVord ick, hoe vvel ick sticht, gelastert en belogen:
Niet vvonder, vvant 'tis om dat ick te naect ondeck
Des vverelts guytery en 'talghemeyn ghebreck.
'kOndeck u niet tot scha verscheyde Boeve-sticken,
Neen ick, maar vvel ten dienst, om de verhole stricken
Te leeren myden, die so heymelijcke zet,
Deez' snoode boose eeuw, daar zelden op ghelet
VVort van de domme jeucht, die'r selven niet can vvachten.
Ick bid u vvilt my des onschuldich niet verachten,
Maar mint my, leest my vvel, ghy sult my dan in ste
Van lasteren achten voor een goede baack in Zee,
Van qua manieren, die te myden u gheboden
Zeer vvyseliicke vvort van Garbrandt Brederode.

 

S. Coster.

 

OVER-AL T'HVYS.