Schalmeye, inhoudende veel geestelijcke liedekens

Een nieu liedeken,

op de wyse: Gy die niet meer int vleesch en sijt

HOe weynig verlangen werdet hier naer
By den Heere voorwaer ⁺
Wanneer dat duysent Jaer ⁺
By eenen dach sal sijn geleken, ⁺
Ick soud u wel wenschen alle gaer
Dat ick u sage daer,
Lieve vrienden eerbaer
daer en sal dan gansch niet ghebreken ⁺
Wanneer den Heer devijn
Alle zijn schaepkens fijn

+ 1 tes 1,17.

+ 2 pet. 3.8

+ psal 90.4

+ esa 34.16

[p. 468]

 

⁺ In zijn rijcke sal leyden

 

dan salmen niet meer moeten scheyden.

 

 

 

Het scheyden dat heeft so kleenen aert

 

Waer dat vrienden vermaert

 

Vredich zijn vergaert,

 

haer moet altijt een scheyden wesen

 

⁺ het scheyden dat maket herte bezwaert

 

Als twee in Echt ghepaert

 

Droefheyt hem openbaert

 

als de doot een wech neemt van desen

 

Ghelijck daer geschreven staet

 

Twesen des werelts vergaet

 

Wy een bycomst verbeyden

 

Waermen niet meer sal moeten scheyden

 

 

 

O lieve vrienden delicaet

 

Daer mijn herte toestaet

 

Wist ick eenigen raet

 

by u soud ick wel willen blyven

 

Nochtans en kan ick u lieve maet

 

Niet doen eenige baet

 

Maer hoet dat met u al staet,

 

meucht ghy ons somtijts overschryven

 

Latet woort wel sijn geplant,

 

Dat wy in het andere Lant,

 

Commen met goet bereyden,

+ mt 25.34

+ act 20.37

[p. 469]

 

Daermen niet meer sal moeten scheyden

 

 

 

Prince Godt make ons altesaem

 

Tot zijn rijcke bequaem,

 

op dat wy sonder blaem,

 

Hier naer mogen by hem vergaren

 

Dat wy hem mogen sijn aenghenaem

 

Dat onse goede faem

 

Deur den ouden Adam

 

Doch niet en comt in groot bezwaren,

 

Maer onsen wandel zy

 

In den Hemel Christum by

 

Die ons als dan sal leyden,

 

daermen niet meer sal moeten scheyden

Schict u naer den tijdt.