Schalmeye, inhoudende veel geestelijcke liedekens

[p. VII]

Sonnet. Den bekostigher tot de druckers.

Ghy Druckers wie ghy sijt, die tot u eyghen baet
Een yder zijn Copy met lust soeckt nae te drucken
Wilt my doch dees Schalmey, niet rooven oft ontplucken

Int gheheel noch ten deel dit selve niet bestaet,

Want so wiet recht bemint, een anders niet aenvaet.

Maer hem selfs hy verheugt met tgene hem is gegeven
Door Godes zeghen groot (hy spijst elck tot den leven)

Als elck zijn eyghen vrucht hen 't hert vernoegen laet

Maer soeckt pluct en be-erft, hondertfout uwe vrucht:
Soo my gheluck toe-slaet, door nijt doch niet en sucht

Maer als den Ackerman geduldich wilt verwachten

Den tijdt die u sghelijcx, oft meerder sendt naer lust,
Op dat d' Autheurs begeert, end' mijne zy gheblust,
Wilt sijn begheert hier na/ dan vriendelijck betrachten.

2000. Casteleyn.