Mestreechter leedsjes-cahier. Nommer 1
(1989)–They Bovens–
Auteursrechtelijk beschermdThey Bovens, Mestreechter leedsjes-cahier. Nommer 1. De Ieuwige Studente, Maastricht 1989 (derde druk)
DBNL-TEI 1
Wijze van coderen: standaard
-
gebruikt exemplaar
Universiteitsbibliotheek Maastricht, signatuur: MP VAA 742.
algemene opmerkingen
Dit bestand biedt, behoudens een aantal hierna te noemen ingrepen, een diplomatische weergave van Mestreechter leedsjes-cahier. Nommer 1 van They Bovens in de derde druk uit 1989. De druk dateert van 1989.
redactionele ingrepen
p. 43: Ieeh → Iech: ‘Iech höb 'n zaak wie geinen aandere’.
Bij de omzetting van de gebruikte bron naar deze publicatie in de dbnl is een aantal delen van de tekst niet overgenomen. Hieronder volgen de tekstgedeelten die wel in het origineel voorkomen maar hier uit de lopende tekst zijn weggelaten. Ook de blanco pagina (50) is niet opgenomen in de lopende tekst.
[pagina 51]
InhaajdIn Leedsjes cahier nommer 1 stoon de vollegende leedsjes:
| Mestreech, boe is de sjoenen tied nao touw | 4 |
|---|---|
| D'n teks en de meziek zien vaan Martin Welie. 't Is gemaak in 1877. Fons Olterdissen maakde aander wäörd trop en gebruukde 't es slotleed veur zienen Kemikken Opera ‘De Kaptein vaan Köpenick.’ | |
| In Sintervaoskèrrek | 6 |
| 't Leed is vaan Leio Batta (1885-1954) | |
| De boot nao Luik | 8 |
| Dit leed waor ein vaan de succesnommers vaan de Mestreechse humoris en konferencier Zjo Smeets (1875-1960) | |
| De Waterleiing | 10 |
| Dit leed steit aofgedrök in de ‘Opregte Maastreechter Almanak’ vaan 1886. Op de wijs woorte mie leedsjes gemaak, oonder mie door Fons Olterdissen veur ‘de Kaptein vaan Köpenick’. In aw teksbeukskes vaan deze kemikken opera steit vermeld tot de wijs oontliend is aon 't leed ‘De pestoer vaan Kan.’ | |
| Vief sent 'n oons viege | 12 |
| 'n Aajd volleksleedsje. Maker vaan teks en meziek neet bekind. | |
| Vrouw Snel. | 13 |
| 'n Aajd volleksleedsje. Maker vaan teks en meziek neet bekind. |
[pagina 52]
| De Wind | 14 |
|---|---|
| De kouplètte zien dinkelek in episodes oontstaande. Euver 't zjuste jaortal zien gein exacte gegevens bekind. Volgens Michel Shepperd in e sjrieve aon Harie Loontjens zaoliger zouw de storrem zien geweest op Zoondag 12 Miert 1882. Harie Loontjens meinde in de negentiger jaore. Es maker vaan de ierste kouplètte weurt ouch hei de naom vaan Martin Welie geneump. Zeker is tot e groet aontal kouplètte (zoe neet allemaol) gemaak zien door Lam Wijsen (1874-1967) Van wee de meziek is, is oonbekind. | |
| De Vriethof op en neer | 18 |
| Vaan wee d'n teks is, is neet bekind. De muziek is oontliend aon ‘Sous les ponts de Paris’ D'r zien nogal get teks-varianten in umloup. Sommige zinge ‘De Vriethof’, aandere ‘'t Vriethof’ | |
| 't Puupke | 21 |
| Teks en meziek zien vaan Zjang Rouckens. 't Is gemaak op 8 oktober 1893, 'nen tied, boe-in allein al 't verneume vaan de naom ‘puupke’ es mechant woort aongeveuld. 't Woort daan ouch gezoonge bij gelegenhede, boebij vaanwege de plezerige ambiance de sjraom vaan de decentie get woort opgesjuif. Dat geldt in feite ouch veur 't ieder geneùmde leedsje ‘In Sintervaoskerrek.’ | |
| En kukelekuu de kins meich neet | 24 |
| 'n Aajd volleksleedsje, wat met vastelaovend gezoonge woort door gemaskeerde verkleiders. Vaan wee 't is, is neet bekind. |
[pagina 53]
| En dan hebben zij ..... | 25 |
|---|---|
| Zjus wie de drei vollegende leedsjes is dit e volleksleedsje wat indertied gezoonge woort wie Mestreech nog e militair (Hollands) garnizoen had. Vastelaovend woort toen same mèt de piotte op straot gevierd, vaandao de Hollandse soldaote leedsjes. Ouch nao 't vertrèk vaan 't garnizoen zien de leedsjes es vastelaovendsleedsjes blieve bestoon. | |
| Hij zet z'n hoed opzij | 26 |
| Aajd vastelaovendsleedsje Zuug ouch bij ‘En dan hebben zij’ | |
| En jij moet niet zo draaien. | 27 |
| Aajd vestelaovendsleedsje Zuug ouch bij ‘En dan hebben zij’ | |
| Hij is voor mij naar de Oost gegaan. | 28 |
| Aajd vastelaovendsleedsje. Zuug ouch bij ‘En dan hebben zij’ | |
| Bet en Mei | 29 |
| Teks en meziek vaan Joseph Sijstermans (1855-1939) | |
| 't Stumpke | 32 |
| Teks is vaan Fons Tuinstra (1897-1971), de meziek vaan Th. Bosman. | |
| Slaop kinneke slaop | 33 |
| Mestreechse versie vaan e bekind Hollands kinderleedsje | |
| Soldäötsje speule. | 34 |
| D'n teks is vaan Fons Tuinstra (1897-1971), de meziek vaan Th. Bosman. | |
| Meunier tu dors | 35 |
| e Waols volleksleedsje. Maker vaan teks en meziek neet bekind. |
[pagina 54]
| Snitselbaank. | 36 |
|---|---|
| 't Woord kump vaan ‘Snijdersbaank’ boevaan oonder 't werrek snitsels stof aofvele. Veur 't zinge vaan 't leed weure de in 't leed veurkoumende veurwerpe aon 'n touw of 'ne perreplu gehaange. De veurzenger wijs die op de beurt aon met ne stek. De aonwezige zinge nao, boebij alle al ieder aongeweze veurwerpe nog ins geneump weurde. Me kin ouch zellef veurwerpe bedinke es ze mer twie aon twie op ein rijme. | |
| 'ne Waol Wallon. | 37 |
| Aajd volleksleedsje. Maker devaan is oonbekind. De wijs is dezellefde es die vaan ‘Venez, venez St. Nicolas.’ | |
| Aoftèlrijmkes | 37 |
| Dees rijmkes woorte en weure al aoftèllend gebruuk um oet te make wee aon de beur tis. | |
| Mestreechter Geis. | 38 |
| Teks is vaan Loe Maas (1911-1970) en de wijs vaan Paul Lincke (Berliner Luft) | |
| Sloap mer mie kinneke | 40 |
| Maker vaan teks en meziek neet bekind. | |
| Vivat de Charleroi. | 41 |
| 'n Aajd leedsje boeveaan de maker oonbekind is. Bij de Sphinx-staking in 1896 zien wäörd trop gemaak die sloon op d'n directeur Pierre Regout. Väöl stakers gónge nao Charleroi of nao de kristalfebrik Val Saint Lambert bij Luik. Wie bij väöl aander leedsjes zien in de loup vaan d'n tied ouch hei kouplètte bij gemaak. | |
| De maan vaan de belasting. | 42 |
| Dit leed is oet de operètte ‘'t Zigeunerkamp’ vaan Bèr Holleijn | |
| Wie rijmp ziech dat tesaam. | 44 |
| Vaan wee teks en meziek is, is oonbekind. Ouch dit leedsje lient ziech um kouplètte debij te make. |
[pagina 55]
| Sinterklaos dee heet gezag | 45 |
|---|---|
| Ouch heivaan is neet bekind wee 't gemaak heet. Bij krik krak sjiemela weure mèt de han de beweginge van meziekdèksels naogedoon. | |
| Sinterklaos vaan heineve | 46 |
| Aajd Sinterklaosleedsje. Maker neet bekind. In de loup vaan d'n tied zien hiel get kouplètte debij gemaak. | |
| Zjezeke, klein Zjezeke. | 46 |
| Teks en meziek vaan Harie Loontjens (1902-1986) | |
| Dao is e kinneke gebore. | 47 |
| Teks en meziek vaan Harie Loontjens (1902-1986) | |
| Mestreechs Volleksleed. | 48 |
| Teks is vaan Fons Olterdissen, de meziek vaan zie broor Gus. 't Is gesjreve es slotleed veur de Kemikken Opera ‘Trijn de Bergijn’ en woort zoe populair tot 't min of mie besjouwd weurt es offisjeel Mestreechs Volleksleed. |
[pagina 56]
KolofonDeze cahier is 'n oetgaof vaan de ‘Ieuwige Studente’, 'n kompenei Mestreechtenere, die ziech in stamtaofelformatie inzètte veur de Mestreechter Kultuur en 't behaajd vaan de Mestreechter Taol en die domicilie höbbe in de Gabrielzaol vaan Kaffe D'n Ingel, Vriethof nommer 13 in Mestreech.
't Zeumerwerrek veur deze leedsjes-cahier woort gedoon door de in alfabetische volgorde geneumde ieuwige studente They Bovens, Theo Loontjens, Miek Simais en Giel Veugen. Ze Kraoge heibij höllep vaan de lezers vaan de Maaspot en in 't bezunder vaan de kinder vaan Harie Loontjens Sr. Zaoliger, die de, door hunne pa gezeumerde, collectie leedsjes gere ter besjikking stèlde. Ieuwige student Jo Bannier zörgde same mèt Pierre Meertens deveur tot de bij eder leedsje hurende wijs in noete kös weure weergegeve en ieuwige student Lou Jonkers naom 't karwei op ziech um alle leedsjes mèt de hand in de cahier te sjrieve en de cahier de zjuste vörrem te geve.
Weier wis 't weekblaad De Maaspost same mèt drökkerij Cortjens 't zoe te ranzjere tot de ieuwige studente ziech euver de technische en financiele kant vaan dees oetgaof gein zörreg hoofde te make. Me had heibij 't profiet tot de K.N.P. zoe zjenereus waor um 't pepier veur niks disponibel te stèlle.
Mestreech Aprèl 1989