Afrikaanse volksliedjies. Deel 2. Minneliedjies

15. ‘Mama, 'k wil 'n man hê!’

Hierdie welbekende en populêre Afrikaanse minneliedjie is die teenhanger van die net so bekende en gevierde liedjie van die Afrikaanse pop, (vgl. No. 14 onder hierdie rubriek: Die Afrikaanse Pop’). Dit is hier dan ook van die vierde versreëltjie af duidelik dat by die Afrikaanse pop die ‘Franse man’, die ‘Hollander’ en die ‘Duitserman’ net so min kans het teenoor die ‘Boereman’ as by laasgenoemde die ‘Fräulein’, die ‘lassie’ en die ‘miss’ in die voorgaande liedjie.

Terwyl die liedjie van ‘Die Afrikaanse Pop’ die vorm het van 'n sangmonoloog, het ‘Mama, 'k wil 'n man hê!’ die van 'n sangdialoog tussen die ‘mama’ en die dogter, 'n Afrikaanse pop.

Nes die voorgaande liedjie dra hierdie een die spore van die werk van een of ander digter te wees..... dit is te selfbewus en subjektief om 'n suiwer produk van volkskuns te wees, maar dit is beide deur inhoud en gees, deur die onbekendheid van

[p. 88]

die maker en vir 'n deel deur Mej. Annie Visscher se voordrag daarvan, volkseiendom geword, en mag daarom met reg 'n volkslied genoem word.

‘Ma-ma, 'k wil 'n man hê!’ ‘Wat-ter man, my

lie-we kind? Wil jy dan 'n Frans-man hê?’
‘Nee, ma-ma, nee! 'n Fran-se man, die
wil ek nie, Want 'par-lez-vous' ver-staan ek nie,
Dit is my ple-sier, Met die Boer-jong-kê-rels hier.’

‘Mama, 'k wil 'n man hê!’
‘Watter man, my liewe kind?
Wil jy dan 'n Hollander hê?’
‘Nee, mama, nee!
'n Hollander, die wil ek nie,
Want God vervloek dit kan ek nie,’

‘Dit is my plesier,’ ens.

[p. 89]

3.

 

‘Mama, 'k wil 'n man hê!’

 

‘Watter man, my liewe kind?

 

Wil jy dan 'n Duitser hê?’

 

‘Nee, mama, nee!

 

'n Duitserman, die wil ek nie,

 

Want “Schweinefleisch” dit lus ek nie,’

‘Dit is my plesier’, ens.

‘Mama, 'k wil 'n man hê!’
‘Watter man, my liewe kind?
Wil jy dan 'n Boer soms hê?’
‘Ja, mama, ja!
'n Boereman, die wil ek hê,
In 'n Boer se arms wil ek lê,’

‘Dit is my plesier,’ ens.

(Teks van Dr. N. Mansvelt, t.a.p. bl. 80.)

Aantekeninge: -

1.	Hierby teken Dr. Mansvelt aan (bl. 81, n.l. oor vers 2) ‘Zinspeling op het voor Afrikaners zo pijnlik en ergerlik misbruik van Gods naam door zo vele Nederlanders.’ Dit is die opmerking van 'n Hollander en verder kommentaar is hier dus oorbodig!
2.	Die Duitser is beroemd om sy liefde vir ‘Schweinefleisch und Kartoffeln’, (vgl. ook die voorafgaande liedjie).
3.	Na die derde versie teken Dr. Mansvelt (t.a.p.) aan: ‘Koepletten verder “ad libitum” met Chinezen, Turken, Kaffers,

[p. 90]

	enz.’ Met die eerste deel van hierdie opmerking, n.l. koepletten verder ‘ad libitum’ gaan ons akkoord, maar met betrekking tot die twede, n.l. ‘met Chinezen, Turken, Kaffers, enz.’ antwoord ons met 'n kafferwoord, wat al amper in Afrikaans burgerreg verkry het ‘Hikona!’
4.	I.p.v. ‘watter’ in die 2e reël in elke versie ‘wat vir 'n’...