Afrikaanse volksliedjies. Deel 1. Piekniekliedjies

3. ‘Daar kom die wa!’

a. Lied en Spel: -

'n Baje bekende speel-liedjie, wat gesing word bij 'n gewone ringdans, is die van die ‘vier-perde-wa’. Soos gewoonlik, is daar nie veel samehang in die woorde nie - natuurlik nie! Want kijk die vier-perde-wa, seker vol vrolike jong-kêrels en nooiens, die wa sonder naam, kom na 'n plesier-geleentheid: 'n swaaierij en draaierij! En daarmee het samehang, of laat ons sê, logiese konsekwensie tog maar bitter weinig uitstaande, nie waar nie?

Die ‘tiekie-draai’ kom bij die slot-koeplet; bij die herhaling daarvan word ‘vervat’ en andersom gedraai.

[p. 28]

b. Liedjie: -

(‘Jan, Jan, die lekker Jan,
Die lekker Jan van Pa.’)
‘Daar kom 'n wa, 'n vier-perde-wa!
Hij het nie naam nie;
Sij naam moet hij nog krij.
Tant' Leentjie swaai, stadig draai,
Daar onder in die baai.
Tant' Leentjie swaai, stadig draai,
Daar onder in die baai.’

c. Variante: -

Schonken (O.K-H.V. p. 114) noem hierdie piekniekliedjie eenvoudig als 'n dansliedjie. Sij lesing verskil van wat bo gegee is in die volgende besonderhede: -

1.	‘die wa, die vier-perde-wa’,
2.	‘Hij moet s'n naam nog krij’,
3.	‘Onder om die draai’.

d. Aantekeninge: -

1.	‘Jan, Jan, ens.’: - hierdie koeplet word soms in die Westelike Provinsie van die K.P. vooraf gesing, dikwels selfs op die weg piekniek toe, i.p.v. die gewone engelse liedjie: ‘We are jolly good fellows’.
2.	‘Vier-perde-wa’: - (spreek uit: ‘vier-pêre-wa’;) waarskijnlik 'n vere-waantjie, wat vóór die oorlog die geliefde rijtuig was vir kerk- of feesgeleenthede. En was dit nie mooi nie: die sindelike wit-tent-waantjie, met sij vurige kleurspan!
3.	‘Daar onder in die baai’: - ja, daar is die plek van die ‘plesier’. Stam die liedjie misskien uit die tijd van vóór die Trek, toe die Baai nog die plek was? (Vgl. ook die uitspraak

[p. 29]

	van ‘tant' Leentjie’ als ‘tant' Lientjie’ of ‘talientjie’, wat eigenlik bolands is en tog altijd hier gehoor word). Of is die liedjie later uit die Westelike Provinsie van die K.P. ingevoer?
4.	‘Onder om die draai’: - hierdie variant is minder bolands, en is misskien die spesiaal onderveldse lesing, waar die Baai natuurlik nie so bekend was as die plek vir vrolikheid en plesier.