Gemmarum et lapidum historia

De facultatibus & vsu Ophitis. Cap. CCLXXIX.

OPhitis veterum omnis alligatus, teste Dioscoride, ad serpentium ictus ac capitis dolores prodest. Tephria Phinii testimonio ad serpentes praecipuè laudatur: & qui lineas habet candicantes phreniticis & lethargicis gestatus auxiliatur, propter frigiditatem forte capiti & praecordiis communicatam. Arcere putatur pestilentiam in qua apparent exanthemata, ac serpentium omnes virus. Gal. lib. 9. de simpl. med. facultat. ophiten lapidem extergendi confringendique vim possidere ceu vitrum asserit, ac propterea ex vino albo & tenui potum lapides vesicae conterere ac confringere.⁺ Ex Serauitiense ophite globuli conficiuntur parui, vt manibus detineantur ab iis qui febre ardente aestuant. His enim non parum recreari videntur. ⁺Zeblicius ophites Germanorum ad multa praedicatur. Scribam quid illi Typographicis typis de illus facultatibus ediderunt. Vereor ne illo diuendito, aurum aucupentur, plura promittant quam praestare possit.

⁺Lapis Serpentinus nullum patitur venenum, vbi poculum è lapide factum venenum susceperit, id sudore prodit. Conducit etiam colicae, pleuritidi, tor-

+ Ad calculum.

+ Vires ophitis zeblicii.

+ Ad venena.
Ad colicam.
Pleuritin.

[p. 250]

minibus ac ventriculo refrigerato.⁺ Praeterea iis qui haustum nociuum aut cibum ad concoquendum ineptum sumpserunt. ⁺Quotidianis, tertianis aut quartanis febribus vexatis opitulatur. ⁺Dolores etiam nephricicos & Podagricos mitigat. Ad praedictos affectus calefieri lapis aut aqua calida aut igne debet ac inuolui linteo: Deinde loco affecto applicari. Quo saepius ex hoc vel de hoc lapide bibitur eo maius auxilium percipitur. Feminae si quotidie ex hoc, vel de hoc lapide biberint eumque aliquoties in die calefactum sinu exceperint, matricem refrigeratam excalfaciunt, partu instante aut post partum pectori aut lumbis applicatus lapis vtilis est. Phtisicis etiam conducit qui si quis vel eum vel ex eo bibat, pulmonem & hepar confortat.

Ex ophite zeblicio Germani pocula, cochlearia variaque conficiunt, sed alabastri vulgaris instar mollia sunt facileque franguntur. Qui hilarem habent viriditatem caeteris praeferuntur, qui cinerei sunt apud illos non tanti fiunt. Inueni in campis circa Getsinum Bohemiae cinereum frustum maculis nigris, Iaspidis instar durum: marmoris cinerei species proculdubio est ac id quod ab Italis marmor serpentinum vocatur.

+ Ventriculum.

+ Ad febres.

+ Ad podagram.