Gemmarum et lapidum historia

De natura & facultatibus Cerauniae. Cap. CCLXIII.

HOc proprium ac admiratione dignum (si verum sit) Cerauniae tribuitur: quod filum illi ita applicatum, vt nusquam duplicatum omnes eius partes tegat si prunis ardentib. imponatur, vri non possit, sed madescat, atque ea ratione deprehendatur num genuinus sit necne. ⁺Existimant Germani lactentes pueros si herniis corripiantur lapidi cunis imposito restitui, aut si vitium hoc nondum suscepe-

+ Ad hernias.

[p. 240]

rint ab eo praeseruari. Marbodeus eum qui castè hunc lapidem gerit praecedenti versiculo indicat neque ipsum neque domum in qua est à fulmine feriri. Fertur etiam somnum prouocare, & valere ad praelia causasque vincendas.