De lapide crucifero. Cap. CCXLV.
AD cornuum fossilium genera non ineptè referri potest lapis crucifer bubuli cornu magnitudine & facie, qui dum transuersim scinditur in planos orbiculos crucem nigro colore refert. Reliqua superficiei pars cineritium habet colorem, cui interdum ruber intermixtus videtur. Extrinsecus ex cinereo nigrescit, maculisque interdum nigris distinguitur, ac tactu inaequalibus. Tam mollis est, vt cultro facile ab eo puluis albus abradi possit. Inuenitur viginti, milliaribus à fano Diui lacobi in Compostella Hispaniae. Fertur gestatus vt carnem tangat, sistere sanguinem vndecunque fluentem, praeterea lactis vbertatem efficere, ac daemonia arcere, febres etiam omnes curare collo appensus dicitur.
Auteursrechtvrij