De Stalagmite. Cap. CCXXXVIII.
STalagmites è guttis rotundis in lapidem gypseae substantiae conuersis, totus coagmentatur in terra arenosa, qui pro terrae & aquae fluentis qualitate, modo fuscus, candidus, aut griseus fabarum, pisorum vel coriandri refert magnitudinem. Reperiuntur in vna massa plurimi quasi fauis inclusi. Copiosè isti in Thermis Carolinis. Nam aqua ibidem tantam in se lapidescendi facultatem habet, vt lignum per noctem impositum lapidea crusta tegatur, quae calcis naturam colore & substantia prae se fert.
Auteursrechtvrij