Gemmarum et lapidum historia

De lapide Carpionum. Cap. CLXXV.

CIrca initium spinae dorsalis triangularis lapillus aut osseum quid potius, in ciprinis reperitur, quod vulgo lapidis nomen habet. Huius auxilio caput spinae annectitur, colore est subflauo. Apud Belgas mos est vt narium haemorrhagias lapide naso apposito sistant. ⁺Calculosis puluis potui datus prodesse dicitur. Ebullitionem etiam flauae bilis ore detentus prohibere perhibetur. Solet id malum post crapulam imbecilli ventriculo contingere. Belgae huiusmodi malo affectum verzeuet vocant: Germani se den sohdt habere aiunt.

+ Ad orexin.