Gemmarum et lapidum historia

Vires & facultates Chelidonii. Cap. CLXXI.

⁺TRallianus, Marsilius, Ficinus, Dioscorides, Georgius Agricola, aliique complures, maximum remedium ad comitialem morbum hunc lapidem asserunt, albiorem nempe capiti, aut auribus impositum extemplo collapsum excitare, nigriorem idem efficere si cuti alligetur. ⁺Manu detentos, aut capiti lino alligatos, veterrimos & antiquos capitis dolores demulcere (modo tamen terrae attactu facultatem non amiserint) perhibetur, linteo etiam vel croceo panno inclusos, colloque appensos, quartanas delere, dextro brachio alligatos haepaticos perfectè sanare, traditur. ⁺Rufi coloris lapis linteolo exceptus ac sub sinistra axilla gestatus maniam, epilepsiam & insanos curare, gestantemque omnib. gratum acceptumque facere ac facundiam augere scribitur Nigri coloris lapis similiter à multis putatur gratiam principum conciliare & efficere, vt incepta negotia quaeuis quis pro animi sententia absoluere possit. ⁺Aureo globulo inclusus lapis chelidonius colloque appensus omnem oculorum dolorem perpetuo auertere per-

+ Ad comitialem.

+ Ad capitis dolores.
Ad quartanas.

+ Ad maniam.

+ Ad oculorum dolores.

[p. 173]

hibetur: in quem vsum etiam tritus colliriis adhibetur, aut ex aqua decoquitur oculisque instillatur, quos recreare mirum in modum creditur. Id comprobatum experientia quod oculis impositus lapillus quaecunque in oculum inciderint facile absque dolore secum educat. Verum id omnes lapides leues & qui angulis carent, si oculis imponantur & hinc inde voluantur praestant.