Gemmarum et lapidum historia

De Alectorio lapide. Cap. CLXIX.

ALectoria vel Alectorius lapis, Latinè lapis gallinaceus aut caponis appellatur. Plinio teste, in ventriculo galli aut caponis decrepiti reperitur. Num autem ibi generetur, (vt alii lapides complures in diuersis corporis partibus ex variis humoribus terrestrique substantia generantur,) aut pabuli vice ab ipso inuentus deglutiatur incertum est. Nonnulli putant ex iecore galli antiqui etiam extrahi, id si verum sit ex animalis corpore originem trahit non aliunde, colore variat, interdum enim calcedonio & crystallo obscuro similis est, inter dum fuscum vel cinereum colorem habet.⁺ Interdum sanguineis venis distinguitur, Germani Capaunenstein vocant. Raro, Plinio teste, fabae magnitudinem excedit. Idemque author refert Milonem Crotoniaten, qui Prisci Tarquinii tempote vixit, in certaminibus inuictum lapidis beneficio fuisse. ⁺Gestatus enim aut ore detentus victoriam efficere, Venerem excitare, mulieribus virorum gratiam conciliare, gratiam, constantiam, ac eloquentiam gestatori tribuere, creditur. Certo etiam neotericorum experiment

+ Varietas.

+ Vires.

[p. 172]

ore inclusus sitim ac cordis aestum sedat. Quod mirum videri non debet, si verum est quod scribitur, caponem dum lapidem in corpore gestat nunquam bibere. ⁺Aiunt praeterea eum qui hunc lapidem gestat contra quaeuis pericula tutum esse. Alectorius quia raro reperitur tanti quanti velit emptor aestimari potest. Ille lapis ceteris praefertur qui in corpore suo velut stagnantem iniecti cibi micam modicam, nec vsque adeo obscuram ostentat.

+ Ad pericula.