Gemmarum et lapidum historia

Vsus, dignitas, precium & adulterium Gagatis. Cap. CLXVI.

PRaeter medicum vsum quem ostendi etiam succini instar est in luxu non solum vt colla feminarum albidiora efficere videatur contrario colore niger-

[p. 170]

rimo, sed vt earum pectora exornet. In varias enim figuras formatur filoque traiectus catenae aureae vices supplet. Ad praeces etiam numerandas in globulos formatur, filoque traiicitur. Precium illi non materia, sed forma dat. Vilis enim hic lapis est, etsi magnis viribus, vt supra dixi, praeditus sit. Adulterium hic lapis non medetur. Si quis tamen velit imitari è petroleo oleum distillet, ac feces aqua salsa aut simili coquat, facile voti compos fiet, vbi lustum frigiditatis gradum attigerit.