Gemmarum et lapidum historia

De Turcoide. Cap. CXIIII.

INter opacas gemmas omnium nobilissima est Turcosa, Turchina vel Turchesia Germanicè ein turkes, omnibus nationibus eo nomine notissima quod à Turcis ad nos feratur. ⁺Multi inter Iaspides numeratam olim existimant, eamque esse, quam Plinius Boream, ac Graeci ἰάσπις ἀεριζοῦσα, alii Calaidem appellant, quamque Mesues Feruzegi corrupto nomine (propter litetarum vicinitatem in lingua Arabica) à peruzaa quod Turcoiden Arabica lingua significat, vocat. Colorem haec gemma ex viridi albo & ceruleo compositum habet ac omnino exactè si praestans sit Aeruginis colorem, quam vulgo viride aeris vocant, refert.

+ Boreas.
Feruzegi.