Gemmarum et lapidum historia

Natura, facultates & vires Onychis. Cap. XCIII.

ONyx ceram non recipit, propterea nunc, vt olim, ad sigilla aptissima est. ⁺Mentis passionibus conducere, sensusque viuificare creditur; quanquam alii collo suspensam onychen tristitiam & timorem, aliaque melancholica symptomata

+ Noxa onychis.

[p. 124]

excitare scribant, eamque vim, Sardae aut Cornooli praesentia refringi. ⁺Comitiales etiam paroxismos creditur impedire. In globulum politum redacta, oculoque imposita, vt aliae gemmae leues omnes, puluerulenta & quaeuis alia, quae in oculum inciderunt, si hinc inde voluatur, vna secum educit. Ignem ex illa excuti, vt ex cote aiunt, ac affrictu ita calefieri, vt vix credi possit.

+ Ad comitiales.