Gemmarum et lapidum historia

Natura, facultates, qualitates & proprietates Corneoli & Sardii. Cap. LXXXII.

REfert Albertus gestatum sardium seu corneolum animum exhilarare, timorem pellere, audaciam praestare, fascinationes prohibere ac corpus contra venenata quaeuis, quae ex humorum corruptione proueniunt, tueri. Impri-

[p. 119]

mis autem sanguinem vndecunque fluentem peculiari proprietate mirabili modo sistit. Ventri etiam alligatus partum conseruare creditur.⁺ Tumoribus etiam calidis applicatus medetur, puluis ad omnem sanguinis fluxum ex vino rubro austero propinantur. Is etiam liuentes dentes, eorumque sordes affrictu emendat. Acuere ingenium, somnia mala prohibere & malignitati Onychis obsistere, dicitur. Stultum est cum Cardano asserere, quod litigantes victores & gestantes diuites faciat.

+ Ad sanguinis fluxus.