Gemmarum et lapidum historia

Adulterium saphiri. Cap. XLV.

[p. 96]

SOlet sapphirus vitro Cęruleo inter duos Bohemicos adamantes glutinato, egregiè adulterari. Alii ex vitro massam ceruleam in igne conflant, eamque expoliri iubent, indurant, & imperitis pro sapphito venditant. Solet id artificium variis modis perfici. Plerunque in massam vitream ex cristallo aut silicibus paratam, momentum zaphurae iniicitur, videlicet dragmae duae ad libram vnam, ac mouetur massa igne candens quam optimè ferreo vnco. Deinde exempta particula exploratur, num plus zaphurae aut massae addendum sit. Si iusta mensura apparuerit, per sex horas efferuescere sinitur. Postea eximitur ac saphirum referens massa, perito sculptori sculpenda ac expolienda traditur. Si rite massa facta fuerit vix à vera saphiro distingui pseudosaphirus poterit. Quae fictitiae sunt, plerunque bullulas seu atomos incorpore habent, qui propter ignem non aequaliter in massam agentem proueniunt.