Gemmarum et lapidum historia
(1609)–Anselmus Boetius de Boodt–
AuteursrechtvrijLocus natalis, virtus, vsus, proprietates, precium ac adulteria Hyacinthorum. Cap. XXXI.AD Iseram fluuium in confinibus Silesiae & Bohemiae torrentemque Georgii prope Hirspergam inueniuntur ignobiliores. Ga naar margenoot+Nobiliores enim ab oriente deferuntur ac in Cananor, Calecut, &Cambaia reperiuntur. Praecipuus vsus est ad pestem arcendam si pro amuleto collo appensus, aut annulo inclusus gestetur. Ga naar margenoot+Ad haec somnum conciliare, virtutes cordis tueri, diuitias, honores ac prudentiam augere, animi alacritatem efficere, ac à fulgure portantem defendere creditur. Primum genus maiori in precio est. Deinde secundum postmodum tertium. Inde quartum vilissimum nec ipsa celatura maius, ita vt lapidis precium celaturae non suppleat. Exempli causa, si pro celatura soluendi sint 2 thaleri vix 4 valeat. Primum genus celatutae precium octupla proportione excedere potest. Secundum quadrupla. Tertium dupla, vel si quid certius desideres primum genus granati orientalis duplum precium habeat, secundum idem, & | |
[pagina 81]
| |
tertium dimidium. Verum vt in vilioribus gemmis nihil certi statui potest, ita nec hic: nam gemmarii in precio gemmarum inconstantes sunt, licet aliquid certi pro norma, vt hic facimus statui possit. Color, puritas, magnitudo ac forma mutant gemmarum precia. Hic absolutae gemmae non vitiosae aestimantur. Ga naar margenoot+Adulterium hyacinthus vix meretur. In illius locum aliquando substituitur ex plumbo vitrum, quod à vera gemma pondere & duritie facile distinguitur, mollius enim & grauius est vera gemma. |
|