Gemmarum et lapidum historia
(1609)–Anselmus Boetius de Boodt–
AuteursrechtvrijQualitates, proprietates, vsus & dignitas Granatorum. Cap. XXV.GRanatos manifestam aliam qualitatem quam exsiccandi si in pollinem redigantur habere non puto. Alias collo suspensi & ebibiti tristitiae multum resistere, ac cor confirmare, melancholiaeque aduersari putantur. In medicos vsus dum recipiuntur, calcinantur ac electuariis cordialibus adhibentur. Prae- | |
[pagina 77]
| |
parantur autem optimè hoc modo. Ga naar margenoot+Primo igniuntur & in oleo salis aliquoties extinguuntur donec soluantur. Soluti oleo tartari in lactis cremorem coagulantur, lauanturque aqua calida, postmodum vsui adhibentur. Ga naar margenoot+Quod ad dignitatem attinet Bohemicos omnib. aliis praeferrem quod rarissimè magni, ac vix pisis maiores inueniantur: & praeterea quod illorum color nullo igne auferri aut minui possit, quod nulli gemmae coloratae proprium est. Ita vt hac ratione quodammodo immortalis & adamanti auroque obriso comparandus sit. Noui qui per multos menses in igne detinuerant, variisque modis colorem mutare aut demere tentarant; sed frustra, quod color igni resistat & in vaporem aut halitum abire non possit. |
|