Den Gheestelycken leeuwercker vol godtvruchtighe liedekens ende leyssenen

(1645)–Guilielmus Bolognino– rechtenstatus


[Iesu, ghedaelt die zijt van boven]
Op de wijse: Beauz ioeuz vivez soubs ceste flamme. Ie-sv, ghedaelt die zijt van boven, Die naer een langh ghewensch, Gheworden zijt nu mensch, O ghenadichsten Heer, wie sal ghenoech u loven? Soo grooten goedt Den snooden mensch die doet.
[pagina 60]
IEsv, ghedaelt die zijt van boven, Die, naer een langh ghewensch, Gheworden zijt nu mensch, O ghenadichsten Heer, wie sal ghenoech u loven? Soo grooten goedt // Den snooden mensch die doet. Ick sien u op den schoot u houwen Van een de reynste Maeght, Die u soo heeft behaeght, O wat grooter vermaeck is 't u daer te aenschouwen, In eenen stal // den Schepper van den Al. 'Ksien u een kindtjens rol daer spelen, Die zelf de wijsheyt zijt, Die 't al bestiert altijdt, O wat soeter ghespeel! wie sal 't te sien vervelen, En 'tsoet gesicht // dat allen hert verlicht? 'Ksien u daer u kleyn hoyken buyghen Nae u reyn Moeders borst, Daer u toe dwinght den dorst, O wat grooter ghenucht u daer te sien aen buyghen! U, die het al // moet laven in dit dal. 'Khoor u daer somtijts bitter schreyen, Dat de Maeght niet en weet, Wat dat haer kindtjen let, Ah comt, sondaers, hier schreyt, zijt ghu niet hert als steenen, Den Heer die siet // om u schult in't verdriet. Lof zy u, hoochsten Heer der heeren, Die ons soo seer bemint, Gheworden een kleyn kindt, Die in eewige vreugt den druck ons comt verkeeren, Ghepresen zijt // verheven t' allertijdt.