Sommighe Daghelicsche Ghebeden
(1595)–Pieter de Bisschop–
Auteursrechtvrij
[Folio A3r]
| |
Op de vvijse des 129 Psa.
Christe die tlicht zijt end’ den dach seer klaer Ga naar margenoot1
De duysterheyt des nachts ontdect gy mede,
Ghy zijt het licht der lichten openbaer,
Ons leerende het zalich licht vol vrede.
Wy bidden v o Heer heylich end’ goetGa naar margenoot2
Beschermt ons desen nacht van allen quade,
Laet in v wesen onse ruste zoet,
Eenen stillen nacht gheeft ons wt ghenade.
Dat den swaren slaep ons veschricke niet,Ga naar margenoot3
Noch den Vyant ons en bringh’ in gequelle,
Noch tvleesch thenwaerts ooc en bewillig’iet
End’ ons alzoo voor v Heer schuldich stelle.
Laet ons ooghen den slaep aennemen stil,Ga naar margenoot4
Maer ons herte laet tot v waken Heere.
V rechte handt altijt beschermen wil
V Dienaers die v lief hebben met eere.
Ons beschermer aensiet en bedwingt ghyGa naar margenoot5
Die ons laghen legghen t’onsen onspoede,
V Dienaers helpt, die ghy gekocht hebt vrij
End’ verlost met uwen dierbaren bloede.
Zijt ons O Heer ghedachtich t’aller tijtGa naar margenoot6
In dit lichaem end’ vleesch broosch van natueren.
Ghy die een beschermer der zielen zijt,
Weest ons O Heer bystandich t’allen uren.
Godt den Vader zij glorie ghemeyn,Ga naar margenoot7
End’ synen eenigen Sone te samen,
Met den heylighen Gheest den trooster reyn
Van eeuwicheyt tot eewicheden AMEN.
|
|