Het gulden cabinet van de edel vry schilderconst

Egidius Rousselet
Plaedt-snijder van Parijs.

HOe wordt de edel Const gheaf-godt en gheviert
Bemindt en op-gheset, beloont en rijck verciert
Daer t'jachtich herdt van eenen Konstenaer naer jaeght
Om dat haer wetenschap soo grooten luyster draeght,
En wordt soo grooten lof en edelheyt vergunt
Om dat haer rijcken aerdt soo schoon is uyt ghemunt,
En straelt als eene Son in d'oogh van die haer kent
Besonder van die haer te sien is onghewent,
Dit can hy sien die maer sijn ooghen eens en slaet
Op t'wit papier t'gen inde pers heeft d'edel plaet
Van Rousselet ghetoetst daer sietmen t'ysers kracht
Vol cloecke teeckeningh als t'leven voorts ghebracht,
Daer heele Boecken vol ghetuyghenis van zijn
Daer niet in is te sien oft t'is al even reyn.