Het gulden cabinet van de edel vry schilderconst

Nicolaes Lauvvers
Plaedt-snijder van Antwerpen.

WIe en sou Lauwers Konst met lauwer niet belouw'ren
Die noyt en can vergaen oft door den tijdt verouw'ren

Maer stadichlijck vernieuwt den lust van jeder een

Soo maer een lustich oogh sijn plaeten siet ghesneen.

Den Ecce Homo en t'dry Coninckx Offerhande
Naer Rubbens werck ghemaeckt, vol vruchten van verstande

Van Lauwers cloecke handt, die gheven stof ghenoegh

Te schrijven naer de Konst, hoe gheestich hy hem droegh.

Eer dat de bleecke doodt sijn lichaem trock in't duyster
En roofden sijnen gheest, sulckx dat bleef sonder luyster

Den lust, die Lauwers dreef ghedurich tot de Konst

Maer naer dit leven creegh de ziel des Hemels jonst.