Het gulden cabinet van de edel vry schilderconst

Cornelis van Berchom
Konstich schilder van Haerlem.

HEeft Hollandt niet met recht op Berrechom te stouffen,
Die weet door Konst en deught, t'ondeughdich t'overpouffen

Jn eene handelingh vrempt van ghesteltenis

Daer t'mergh van ons Pictuer vast in ghesloten is.

Jae schoon den droeven Nijdt dit gheensints can verdraghen
Die d'eyghen hert daerom schijnt stadich op te cnaghen

Soo moet sy selver (als t'ondeughdich) tuyghen dat

Noot beter den Natuer is met t'Pinseel ghevat.

Als Berchom ons verthoont, soo in stilstaende dinghen
Als Landtschap, Beestjens en Figuerkens voort te bringhen

Daer t'puyck der wetenschap niet hoogher vlieghen can

Om te verheffen al de deughdt van eenich Man.