Het gulden cabinet van de edel vry schilderconst

[p. 287]

Andreas Vacar
Schilder van Roomen.

Pictur al menichmael bestrijt t'verstant van binnen,
Als jemandt haere Const met onghetoomde sinnen

Wilt onderschoren, en haer edelheyt verstaen:

Daer hy naer reycken wilt als by de bleecke Maen.

Want de verborghentheyt van al haer wetenschappen
Heeft soo veel ommeganghs en smal verheven trappen,

Dat meest de menschen die haer niet en sijn ghewent,

Oft haer verholen aert in eenich deel bekent.

Noot moghen door hun bot vernuft Pictura stooren
Om niet als Midas eens te crijghen Esels ooren.

Want die de Const wilt sien die ons Vacar uytwerckt

Moet wel een Kender sijn en met oordeel versterckt:

Midts al het gen' hy doet met goote cloeckicheden
Is t'leven gans ghelijck vol deughts begaefde seden,

In ordonnantien seer wonderlijck en vrempt

Sulckx dat sijn werck door Const, de Const-behaters tempt.