Het gulden cabinet van de edel vry schilderconst

Ian VVeenincx
Schilder van Vytrecht.

GHeen Landtschap oft perspect, gheen Arcken triumphalen
Gheen metselrijen van Palleysen, Kercken, Saelen,

Oft ander schoon ghebouw', gheen beesten oft Figuer

Al t'gen' dat worden can bewesen van Pictur:

T'sy water, vier, oft locht, de vruchten vander aerde
Goudt, silver, en ghesteent, van cleyn oft groote waerde

Al t'gene dat bestaet in eenich werelts deel

Dat wort ons voort-ghebrocht door VVeeninx op panneel

Dat can sijn cloeck verstant ons wesentlijck ontdecken
In d'eelheyt vande Const met sijn Pinceele trecken,

Wat dienter meer gheseyt, sijn Const soo veel bethoont

Dat in sijn Const (soo t'blijckt) het tweede leven woont.