Peeter vander Borght
Schilder van Brussel.
ALsoo desen Vander Borght sy-selven in't eerst langh heeft gheoeffent in't schilderen der Figuren die hy met grooten welstant ende met geestighe manieren uytbelde, is ten lesten vervallen ende inden gheest door de natuerelijcke gheneghentheyt aenghedreven tot het Landtschap, daer hy seer fraey ende uytnemende in is ghelijckmen aen veel en menichvuldighe wercken (van hem ghedaen) can oordeelen.
Pictura scheen jalours oft belghsuchtich te wesen,
Dat Peeter vander Borght, ghestadich was voor desen
Vervallen op Figuer, daer t'leven schier voor weeck
Om dat sijn Schilder-const het leven gans gheleeck,
Daerom heeft sy den lust van hem soo aenghewackert,
T'verstant met Const doorploeght en wetenschap doorackert
Dat niet een verr' ghesicht in eenich Lantschap is,
Of t'schuylt in sijn Pinceel en Consts ghesteltenis.
Auteursrechtvrij