Het gulden cabinet van de edel vry schilderconst
(1662)–Cornelis de Bie–
Auteursrechtvrij
Ian van Hoeck
| |
[pagina 144]
| |
Pictura in hun secrete Cabinetten verborghen en hielen, oft lieten de selve aen van Hoeck besien ende van hem copieren, schoon dat niemandt anders inde wereldt het vermoghen en hadde om sulck-danighe Rariteyten te moghen aenschouwen, als alleenelijck dienende tot hun eyghen ghesicht.
Artificum quae facta manu, si rara, Monarchae
Illa solent valuis clausa tenere suis:
Sed licet occludant, nulli sint peruia luci,
Attamen aspiciens, dulcis amicus erit.
Ofte wel: Niet worter by den Mensch soo lief of weert gheacht
Om sijn seldsaeme Const, en diep verholen cracht
Oft 't wordt aen eenen vrindt noch somtijdts uyt-ghereyckt
Ghelijck aen Ian van Hoeck hier voor ghenoeghsaem blijckt.
Het licht van sijn wetenschap heeft in Jtalien ende Duydts-landt sulcken luyster ende schijnsel ghegheven dat sy al menich oogh der nieulustighe Const-beminders verlicht tot voetsel vande jonghe Schilder-jeught tot verwonderingh van veele gheleerde Mannen, ende tot vreught der Edele Heeren. Het Paleys vanden Keyser ende meer andere edel huysen van Keurvorsten in Duyts-landt gheven op den dach van heden ghenoeghsaem ghetuyghenis van sijn wercken, daer de selve mede verciert sijn. Hy is met sijne Keyserlijcke Hoocheydt den Arts Hertogh Leopoldus in Nederlandt ghecomen, daer hy Domesticq ende Schilder van het Princelijck Hof langhe jaeren is gheweest, door de vaste handelingh, cloecke manier, ende vloyende Ordonnantien die hy ghehadt heeft, als over al aen sijn weert-befaemde Schildrijen ghenoech te speuren is. Soo wie ontluycken doet sijn tintel bruyne ooghen
En laetste spelen op den weerschijn van Natuer
Die ons van Hoeckx pinceel soo gheestich can vertooghen
In de ghesteltenis oft wesen van Pictuer,
Moet lijden dat sijn Const door vast ghestelde trecken
(Vol levens nutticheydt, vol sins beteeckenis)
In schijn van 't leven schijnt het leven te ontdecken
Door al den levens Aert die in sijn Conste is.
Wie isser doch verrijckt met wijsheydt oft met reden
Die niet op't eerlijck fray van sijn Pictuer en vlampt
| |
[pagina 145]
| |
Midts sy van Zoilus noyt worden can bestreden
Oft van een Schilders oogh in eenich deel beschampt:
Den roem van sijne Const en Hoorens weerde Maeren
Die m'over al van hem siet melden door de Faem
D'onsterflijckheit van d'Eer ghenochsaem openbaeren
Die sijn Pinceel verdient tot lof van sijnen Naem.
AUgustijn Brun, ende Hans Holsman fraey Schilders van Ceulen. Midtsgaders Ga naar margenoot+ Frederick Brentel ende Jacob vander Heyden vermaerde Schilders van Straesborgh. Hebben door hun groot verstant ende diepsinnighe wetenschap menighen Prins ende Hertogh beweeght door den liefelijcken Aert die sy tot hun wel behagen inde Schilder-const uytwerckten, sulckx datmen wel mach segghen: HAns Holsman ende Brun, Brentel en vander Heyden
Die costen menich Vorst door hunne Const verleyden
En Hesselien daer by oft Crabbeken ghenoempt
Op Landtschap en Figuer en sijn Ruinen roempt.
Die wonder cloeck en los gheschildert staen naer 't leven
Waer door Natura schijnt (door cracht van Const) te beven.
Die 't Landtschap siet daer by van Peeter Meulenaer Ga naar margenoot+
Sou segghen dat sijn Const oock in het leven waer
Soo geestich uyt-ghewerckt besonder in Batali
Oft daermen voorraet haelt, provisi oft victali,
De Ruyterkens te peert d'Infanteri te voet
Oft Crijghs-volckx pestery, 't staet altemael soo soet
Soo mals en wel ghestelt, soo meesterlijck ghemalen
Uyt t'verf coleurich asch dat Faem daer op mach pralen
Als oock van Raphael Coxi Soon van Michiel, Ga naar margenoot+
Die door des Vaders geest soo op de Const verviel.
Dat hy seer wonderlijck in Const heeft uyt-ghesteken
Daer geenen levens aert in't minst en schijnt t'ontbreken.
Daer by oock Spaniolet die wonder heeft gheschetst Ga naar margenoot+
In't grauw met sijn pinceel en net op plaet gheetst.
| |
[pagina 146]
| |
Ga naar margenoot+ En Gillis Peeters in't Gheboompt en groen Landouwen
Seer eel in het verschiet, soo veer d'oogh can aenschouwen
En lantschaps achter-werck, het leven gans ghelijckt
Soo dat sijn soet pinceel geen Landtschap-Schilders wijckt.
|
|