Den groeyenden Lierschen blom-hof

[p. VIII]

Sonnet

Ter eeren den seer Const-Lievenden Cornelis de Bie.

Is't dat Pegasus oyt met sijnen snellen Voet

Hypocrenas Fonteyn op Parnas ded' ontspringhen,

VViens water t'leven gheeft aen Pallas voesterlinghen

En koestert inden gheest een const-lievend' ghemoet,

VVat Honich wat Nectar sal dan in overvloet

Vyt 't soete Helicon ons niet dit Bieken bringhen?

K'hoor sijn Musa alreed' in't Liers Blomhofken singhen

Aen wie Apollo gheeft tot loon den Lauwer-hoet.

Soylisten hier is 't off Arachnes huysghenoten

Scherpt nu u bitsche tongh hier dient Fenijn gheschoten

Spouwt uyt teghen de Bie stelt wat ghy cont ten thoon

Sijn loffbaer Musa sal u lachtersucht niet achten,

Maer als een wacker Bie tot des const oeff'ningh trachten

Dit werck dat croont sijn selff het is sijn eyghen loon.

H. DE POOTER.

t' Dor wordt groeyende.