Platbook 3. Gebaorte en doeëd

[p. 56]

Truus Verbong-Simons, Tegele
'ne Kanjer van 'n naefke

Piepkleine tieënkes en zón mollige hendjes
Die zaachte häörkes die ruke zoeë fijn
En den die uurkes en det naeske
Wat ein möpke in ein weegske klein

Bolle wengskes en kiebige uigskes
Hae mót alles bekieke, want alles is niej
Sjatert 't oet met mien rare sjnoete
As ich 'm aankiek den waer ich hiel bliej

Haet gaar gen tendjes, det ken nag get deure
Maar kiek ens wat hae toch al kan
Mak bläörkes met zien mundje, zaet ur-ru en a-a
Noow huur 's, wat vings se dao van?

't Daekske is werm, 't kaemerke sjoeën
Zien buukske is rónk en hae is wir kontent
Hae wuueg 10 pónk en is pas twelf waeke
En ich ving 't eine kanjer van 'ne vent

Noow wuurt hae muug, zien uigskes gaon toe
Sjluuep wie ein ruueske en vingk depe rös
't Liefke bewaeg ömhoeëg en ömlieëg
Ich gaef op zien köpke vurzichtig 'ne kös