Platbook 3. Gebaorte en doeëd

[p. 57]

Friedje Geurts-Leeder, Venlo
Tessa

Kiendje met dien groëte ouge
leef, onschöldig en zoe klaor,
meug toch zoe onschöldig blieve
dienen blik nog mennig jaor.

Ik zoel de zörge wille waere
oet dien laeve, stök veur stök
en niks in dien naobeejheid laote
as leefde, vrindschap en gelök.

Maar door eder minselaeve
raos ouk waal ens eine storm
en bis dich daotaege neet gewaopend
verkruups se dich wie eine worm.

As dich aevel wie ein jonk buimke
soepel buigs dich in de wind
steis dich as de buuj veurbeej is,
toch weer direk rech mien kind.