Hoe de Overste Marten Schenck Roeroort inghecreghen heeft/ Anno 1587.
[1587.] IN den jare onses Heeren 1587. heeft Marten Schenck eenen aenslach ghehadt op Roeroort/een Stedeken op den Rijn gheleghen/daer de Roere/ uyt Westphalen comende / in den Rijn valt / niet verde van Duesbergh. Hy hadde van langer handt eenighe van sijn Soldaten daer binnen gheschickt/nu eenen/dan twee of drie te ghelijcke / elck onder eenen berscheydenen deck-mantel. Dese ghesellen haer sterck ghenoech vindende/ hebben ter bestemder tijdt en plaetse hem een Poorte gheopent/ ende met eenen [1587.] goeden hoop volcx daer binnen ghelaten. Schenck van dit Stedeken aldus meester gheworden zijnde/ heeft het selfde inghehouden/ met Crijchs-volck besett/ende terstont met Bolle-wercken ghesterckt: Daer uyt hy den Ceulschen ende anderen Landen groote schade/ met rooven ende brandt-schatten ghedaen heeft/ hem selven eenen grooten naem / ende den naebuyren eenen grooten schrick makende.
Aude aliquid, si vis esse aliquid.
Auteursrechtvrij
