Nieu liedt-boecxken inhoudende verscheyden liedekens op die principale feest-daghen ende ander heylighe daghen vanden jaere
(1614)–Rumoldus Batavus–
AuteursrechtvrijOp die wijse: O crancheyt des vleis wilt v trueren laten etc.O Adam wilt v trueren vergeten
Laet vaeren v kermen tot deser stont
| |
[pagina 118]
| |
Dat uwe naecomers, die H. Propheten
Hebben gheroepen met haren mont.
Vanden grooten Propheet, die gesalfde des heeren
Die ons allen was belooft.
Om Satans rijck te destrueeren
En alzoo te vertreden zynen hooft
Een vrouwe heeft ons ghebracht tot sonden
Ende in den eewighen doot
Een vrou isser wederom gheuonden
Die ons verlost heeft wt dier noot.
Den Septer van Iuda soude niet faelieeren,
Tot dat ons Messias quam,
Die ginck Iacob al prophenteeren
Doen was Herodes wt een ander stam
Onder welcken Christus wert gheboren
Aldus is die Prophecye vervult
Moyses sprack oock langhe te voren
Sent toch, die ghy senden sult.
Noch gaet dien seluen vertrecken
Voor zynen volck een Prophecy
Godt sal wt v een propheet verwecken
Die zult ghy hooren ghelyck als my.
God die doet ons door Dauidt vertrecken
Die beschrijft ons nae Gods beuoel,
Dat Godt een saedt wt hem sal verwecken
Die daer zal sitten op zynen stoel.
Den rechten Soone Dauidts soude God senden
Soo ons die schrifture seyt,
Voort comende wt Dauidts lenden
Ende sal regneeren inder eeuwicheyt.
Laet ons oock tot Daniël comen
Die schr4ijft dat hy heeft gesien,
Van een hooghen berch is aldaer genomen
Sonder handen eenen stien,
Dese was cleyn, maer is ghewassen
Tot eenen berch seer groot
Dwelckmen op niemant als Christum can passen
| |
[pagina 119]
| |
Wiens naem is in al die werelt bloodt.
Noch zoo comt desen Daniel spreecken
Van dese menschen zoon die comen most
Nae den tijt van t’seuentich weecken
Dan souden wy te recht worden verlost
Ezechiel die sach een poorte gheslooten
Maer den Coninck die ginck daer door
Vanden tempel is Gods water geuloten
Gods gratie quam ons menschen voor.
Godt den hemelschen Vader van bouen
Heeft hem ouer ons ontfermt,
Die hy Adam en Abraham ginck belouen
En alle ouden om hebben ghekermt.
Och of ghy die hemelen toch wout scheuren
Riep Esaias met een accoort,
Och mochte ons dat toch eens ghebueren
Dat ons verlosser wilde comen voort
Laet die hemelen van bouen douwen
En laet regueren die wolcken hooch
Den rechtuerdigen, riepen den ouwen
T’sauonts, ende des morgens vroech.
Laet die aerde mede gaen open,
En brenghen den Salichmaecker voort
Nu soo is dit haer langhe roepen
Van Godt den hemelschen vader verhoort.
Alzo lief hadt Godt ons sondige menschen
Dat hy syn eenighen Soone gaf,
Daer alle Propheeten om ginghen wenschen
Om op hem te nemen onsen staf.
Godt heeft ghenuchte met ons te wesen
Hy is onsen Emanuel,
Daer wy by alle Propheten af lesen
Die heeft hem becleedt met onsen vel.
Met vleysch, ende met baanderen meden
Is hy gheworden ghelyck als wy,
Behaluen sonde die hy noyt en deden
Want daer af zoo was hy vry
| |
[pagina 120]
| |
Laet ons desen Coninck met waerdicheden
Wellecom heten in deser tijt,
Soo die van Ierusalem eens deden
Wellecom Soons Dauidts ghebenedyt.
|
|