Nieu liedt-boecxken inhoudende verscheyden liedekens op die principale feest-daghen ende ander heylighe daghen vanden jaere
(1614)–Rumoldus Batavus–
AuteursrechtvrijOp de wijse. O Heer aensiet toch Syon teer etc.O Heer, Ick verwonder my zoo seer,
Van uwe wercken hier gaen ic op mercken
Gy laet ons niet comen ouer onse percken
Die ghy ons hebt gheset?
Maer die weecht ghy wel nedt
| |
[pagina 86]
| |
O Heer wilt ons daer in stercken
O Heer, t’was v wil en begeer
Dat v moeder soude blieuen na uwe belieuen
Om uwe dienaers te helpen gheheuem
Die zy noch wisten niet,
En by v, en v Soon waeren gheschiet
Op dat sy dat souden doen schrieuen
O Heer, v moeder die wiste meer,
Van v secreten dit moesten oock weten
V ghetuyghen die nieuwe Propheten
V Apostelen seer iendt
Die ghy hebt wt ghesendt
Tot veel volcken veer gheseten.
O Heer hoe seecker moet zyn die leer
Van v Euangelisten: die noyt en misten
Godt wt v O moeder noch veele wisten
Die zy tonser zalicheyt,
Hebben beschreuen, en gheseyt
Teghen alle valsche listen.
O Heer, als den tijt ghecomen weer
Om v moeder croonen: En v glorie te thoonen
Oock nae haer verdienst te beloonen
Druckt die vreuechde die sy doen hadt
Wanneer zy onfinck den schadt
Al van haer bruydegoms throone
O Heer, ons verstant dat daelt zoo neer
Nae deser eerden: Och of wy eens begeerden
Te smaecken v gratie vol van weerden
Ghelijck v moeder heeft ghedaen
Met al die in v by wesen staen
Haer tot dese soeticheyt keerden.
O Heer, tot v moeder ick my keer
Om haer vruecht t’aenschouwen: die sy sal behouwen
En wy oock wel begeeren souwen,
Maer t’zal ons soo ghebueren niet
Want ghy waert ghebenedijt
Bouen alle ander vrouwen.
| |
[pagina 87]
| |
O Heer, v Moeder die heeft zoo veer
In ootmoedicheden, En in ander goede seden
Oock in liefde, ende in reynicheden
Dat niemant hier op aertrijck
Wort gheuonden haer ghelijck
Om haer paden naer te treden.
O Heer, hierom heeft zy oock meer
Glorie ontfanghen? Sy is v nae gheganghen
Nu wort zy met veel cieraedt om behangen
Sy draecht daer den besten Croon
Naest haeren lieuen Soon
Die cust haer aen haren wanghen.
O Godt, Sy heeft v ghebodt
Niet doen versmaden? Maer door v ghenaden
Heeft zy gheuolcht oock uwe raden
Door u Godtlijcke licht
En door een hemelsche ghesicht
Contempleerde zy uwe paden
O Maecht, Om dat ghy God hebt behaecht
In uwen leuen, Hier om wort v ghegheuen
Den besten stoel nae uwen zoon verheuen
Vanden Vader, en den H. Gheest,
Wiens tempel ghy hier zijt geweest
Ende altijt zijt ghebleuen.
O Moeder groot, al storf ghy den doot
Nae ws zoons belieuen? Geen verderf mochte v aencleuen
Want alle stanc deed hy van v dreuen
Oock heeft hijt van hier gehaelt
En wort met dat hemelsche licht door straelt
Daer het in eenicheyt zal blieuen.
O Coningin, Nu quaemt ghy ten hemel in
Met vrolijcheden: Nae betaem ende reden
Groeten sy v daer met ghebeden
Die Engelen Gerubim
En oock die hooge Ceruphim
V reuerentie en eere deden.
O moeder schoon, wat quam daer menich persoon
| |
[pagina 88]
| |
V wellecom heten: Die Patriarchenen Propheten
Met al die daer waren by Godt gheseten,
Dese en hebben haer niet gheschaemt,
Soot haer scheppers moeder wel betaemt
Haer voor haer neder ghesmeten
O vrou dese eere bewijstmen noch v
Daer inden t’hroone naest uwen zoone
Den thienden Coor zijt ghy daer schoone
Doet voor ons v ghebedt,
Dat ons naemaels oock wort gesedt
Den glorioosen Croone Amen.
|
|